En cumprimento do establecido no artigo 97 da Lei 7/1985, do 2 de abril, de bases do réxime local, no 205.4 da Lei 2/2015, do 29 de abril, do empregado público de Galicia, e no 6 do Real decreto 896/1991, do 7 de xuño, polo que se aproban as regras básicas e programas mínimos a que se debe axustar o procedemento de selección dos funcionarios da Administración local, faise público que, mediante o Acordo da Xunta de Goberno local do 27 de maio de 2021, se convocou o procedemento de selección, mediante o sistema de oposición, para prover transitoriamente o seguinte posto de traballo:

– Escala: Administración xeral.

– Subescala: auxiliar.

– Grupo: C2.

– Número de postos: 1 (un).

– Boletín de publicación das bases: Boletín Oficial da provincia da Coruña número 116, do 22 de xuño de 2021.

Contra este acordo, que pon fin á vía administrativa, poderase interpor:

– Potestativamente o recurso de reposición, no prazo máximo dun mes contado desde o día de publicación das bases ou da convocatoria no boletín oficial correspondente, ante o alcalde.

– Con posterioridade á resolución expresa ou presunta do recurso de reposición, ou ben directamente, poderase interpor recurso contencioso-administrativo ante o Xulgado do Contencioso-Administrativo, no prazo de dous meses contados desde o día de publicación das bases ou da convocatoria no boletín oficial correspondente.

– O recurso extraordinario de revisión, segundo o previsto no artigo 113 da Lei 39/2015, do 1 de outubro, do procedemento administrativo común das administracións públicas, ou calquera outro que considere procedente.

Padrón, 23 de xuño de 2021

Antonio Fernández Angueira
Alcalde