O Consello de Dirección do Instituto Galego de Promoción Económica, na súa xuntanza do día 3 de maio de 2021, acordou por unanimidade dos seus membros asistentes a aprobación das bases reguladoras do marco de apoio ao acceso ao crédito das pequenas e medianas empresas, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca (SGR) e as entidades de crédito adheridas (financiamento Igape-pemes). Estas bases foron publicadas mediante a Resolución do 18 de xuño de 2021 (DOG núm. 122, do 29 de xuño).

Xunto co texto das ditas bases publicouse a relación das entidades financeiras que se adheriron ao convenio.

Posteriormente, con data do 2 de xullo de 2021, adhírese a entidade financeira Banco Santander, S.A., polo que cómpre facelo público.

Polo que antecede, en virtude das facultades que teño conferidas,

RESOLVO:

Engadir a entidade financeira Banco Santander, S.A. á relación de entidades financeiras adheridas ao convenio para a habilitación dun marco de apoio ao acceso ao crédito das pequenas e medianas empresas entre o Instituto Galego de Promoción Económica e as sociedades de garantía recíproca domiciliadas en Galicia (financiamento Igape-pemes).

Santiago de Compostela, 14 de xullo de 2021

Fernando Guldrís Iglesias
Director xeral do Instituto Galego de Promoción Económica