Logo de aprobar por Resolución da Alcaldía número 153/2021, do 25 de maio de 2021, as bases e a convocatoria para a contratación, en réxime de funcionario de carreira, dunha praza de auxiliar administrativo para o Concello de Trabada, mediante o sistema de oposición libre, ábrese o prazo de presentación de solicitudes, que será de 20 días hábiles contados desde o día seguinte ao da publicación deste anuncio no Boletín Oficial del Estado.

No Boletín Oficial da provincia de Lugo número 128, do 8 de xuño de 2021, aparecen integramente publicadas as bases que deben rexer a convocatoria para a selección e contratación da praza.

Os sucesivos anuncios desta convocatoria, cando procedan de conformidade coas bases, publicaranse no Boletín Oficial da provincia de Lugo. Así mesmo, publicaranse na sede electrónica do Concello de Trabada (https://trabada.sedelectronica.gal) e no taboleiro de anuncios do Concello de Trabada, sito na casa do concello.

Trabada, 16 de xuño de 2021

Mayra García Bermúdez
Alcaldesa