Ao non seren atopados no enderezo coñecido por esta xefatura territorial os titulares da empresa que se indica a continuación, notifícaselles no Boletín Oficial del Estado, ao abeiro do artigo 44 da Lei 39/2015, do 1 de outubro, do procedemento administrativo común das administracións públicas, a fin da suspensión cautelar e o restablecemento da tramitación do expediente sancionador de referencia, ao ter entrada, no Rexistro Único do Edificio Administrativo da Xunta de Galicia en Vigo, a copia da sentenza do Xulgado do Penal número 2 de Pontevedra, ditada no procedemento 48/2019, polo accidente laboral dos traballadores José Carlos Sabarís Fernández, Alfonso Triñanes Castro, Fernando Carballo Pérez, José Carballo Pérez e Juan Ogando Ruibal (falecido).

Dispoñen dun prazo de dez días hábiles, contados desde o seguinte ao da publicación desta cédula no Boletín Oficial del Estado, para examinaren o expediente nas dependencias desta xefatura territorial, Servizo de Emprego e Economía Social, Sección de Sancións, sitas na rúa Concepción Arenal, 8, 2º andar, en Vigo (Pontevedra), das 9.00 ás 14.00 horas, de luns a venres, con cita previa no teléfono 986 81 70 11. Transcorrido este prazo, ditarase resolución.

Os documentos que constan no expediente son:

• Acta de infracción.

• Xustificante da notificación (17.9.2012).

• Escrito de alegacións (4.10.2012).

• Copia da sentenza xudicial.

Expediente: RL 2012/0201-4.

Acta: I362012000075679.

Empresa: Grupo M.G.O., S.A.

Enderezo: Santa Rita, 9, Madrid.

Vigo, 11 de agosto de 2021

Marta Mariño Regueiro
Xefa territorial de Pontevedra