BDNS (Identif.): 582901.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Beneficiarios
Centros privados concertados con ensinanzas de educación secundaria, bacharelato e/ou formación profesional.
Segundo. Obxecto
Regular o procedemento de solicitude e concesión de axudas, en réxime de concorrencia competitiva, a centros privados concertados con ensinanzas de educación secundaria, bacharelato e/ou formación profesional, para a realización de probas de nivel lingüístico para o alumnado.
Terceiro. Bases reguladoras
Orde do 2 de setembro de 2021 pola que se regula o réxime de axudas a centros privados concertados para a realización de probas de nivel lingüístico para o alumnado que non curse os estudos dentro do programa da Rede de Centros Plurilingües no curso 2021/22.
Cuarto. Importe
Importe total da convocatoria: 150.000 euros.
Quinto. Prazo de presentación de solicitudes
Un mes, contado a partir do día seguinte ao da publicación desta orde no Diario Oficial de Galicia.
Santiago de Compostela, 2 de setembro de 2021
Román Rodríguez González
Conselleiro de Cultura, Educación e Universidade