No Xulgado do Contencioso-Administrativo número 1 de Pontevedra tramítase o recurso 259/2021c (procedemento abreviado), de Rocío Núñez Palacio, contra a desestimación presunta do recurso de reposición interposto contra a Resolución do 14 de xaneiro de 2021, da Dirección Xeral de Recursos Humanos, pola que se publica a orde de prelación e a puntuación definitiva obtida polas persoas aspirantes admitidas no proceso de actualización das listas de selección temporal de diversas categorías de persoal estatutario (DOG núm. 13, do 21 de xaneiro).
Categoría: enfermeira.
Acceso: libre.
Ámbito: distrito sanitario de Pontevedra.
Epígrafe: experiencia.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado, no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 9 de setembro de 2021
Ana María Comesaña Álvarez
Directora xeral de Recursos Humanos