Visto o expediente para o outorgamento de autorización administrativa previa e de construción da instalación eléctrica que a seguir se cita:

Solicitante: Protección Medioambiental, S.L.

Domicilio social: lg. San Román, s/n, 15145 A Laracha.

Título: instalación de centro de seccionamento, centro de medida en edificio prefabricado e liña de media tensión soterrada para acometida a dous centros de transformación existentes, sitos no lugar de Lendo, s/n, A Laracha.

Situación: lugar de Lendo, s/n, 15145 A Laracha.

Características técnicas:

Liña de alta tensión soterrada de 15 kV con inicio e fin na liña de distribución DER Amieiro-Polígono (exp. 216/07), logo de entrar no centro de seccionamento proxectado, condutor RHZ1-2OL 12/20 kV 3x(1x240 mm2) Al, lonxitude total 2 m.

Centro de seccionamento en edificio prefabricado de formigón. Celas prefabricadas de seccionamento de entrada e saída (con telexestión) e dúas de derivación (630 A, 16 kA e 24 kV).

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción da devandita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

A presente autorización entenderase outorgada, salvo o dereito de propiedade e sen prexuízo de terceiros, e non poderá ser invocada para excluír ou diminuír a responsabilidade civil ou penal en que puider incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra o presente acordo, que non é definitivo en vía administrativa, cabe interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que se considere pertinente.

A Coruña, 7 de setembro de 2021

Isidoro Martínez Arca
Xefe territorial da Coruña