A Orde do 27 de outubro de 2010 (DOG nº 212, do 4 de novembro) pola que se desenvolve o procedemento para o nomeamento e prórroga de persoal emérito no ámbito sanitario, sobre a base do Decreto 36/2010, do 11 de marzo (DOG nº 56, do 24 de marzo), establece no seu artigo 2.2 que as xerencias iniciarán o procedemento, no seu caso, no momento que se determine mediante resolución da Xerencia do Servizo Galego de Saúde publicada no Diario Oficial de Galicia. A resolución deberá especificar en cada caso o número de persoas que poderán ser nomeadas persoal emérito, habida conta das limitacións establecidas no artigo 10 do Decreto 36/2010, do 11 de marzo.
En desenvolvemento da devandita previsión, a Xerencia do Servizo Galego de Saúde
RESOLVE:
Primeiro. Iniciar o procedemento para o nomeamento de persoal emérito. Por parte das xerencias das áreas sanitarias en que desempeñara o posto o/a profesional xubilado/a cuxo nomeamento como persoal emérito se promove, deberase iniciar os procedementos e remitir as candidaturas á Xerencia do Servizo Galego de Saúde no prazo máximo dun mes desde a data de entrada en vigor desta resolución.
As corporacións e institucións públicas relacionadas co ámbito sanitario poderán presentar solicitudes de nomeamento de persoal emérito no prazo de 10 días, contados desde a entrada en vigor desta resolución, ante a Xerencia da Área Sanitaria que corresponda ao posto desempeñado pola persoa que se vai promover.
Segundo. O número de persoas que poderán ser nomeadas persoal emérito ao abeiro desta resolución serán 2.
As propostas que conteñan máis dun/dunha candidato/a deberán ser paritarias, no que se refire a igualdade de xénero.
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 13 de outubro de 2021
José Flores Arias
Xerente do Servizo Galego de Saúde