Visto o expediente para o outorgamento de autorización administrativa previa e de construción da instalación eléctrica que a seguir se cita:

Solicitante: Junta de Compensación do polígono 2 do sup-3 de Pontepedriña.

Domicilio social: rúa Laverde Ruiz, 7, 15702 Santiago de Compostela.

Denominación: proxecto de LMTS e CT na rúa Escultor Jesús Landeira.

Situación: rúa Escultor Jesús Landeira, Santiago de Compostela.

Características técnicas:

– Liña de alta soterrada de 20 kV con inicio e fin na liña de distribución SNT804 (exp. 176/12), entre o CT 15SKBB (exp. 176/12) e o CT 15SMF7 (exp. 326/00), logo de entrar no centro de transformación proxectado, condutor RHZ1-2OL 12/20 kV 3×(1×240 mm²), Al, lonxitude total 160 m.

Centro de transformación soterrado prefabricado, configuración 2L 1P telecontrolado con transformador de 630 kVA, refrixeración natural, en baño de aceite mineral e relación de transformación 20.000/400-230 V.

Cumpridos os trámites ordenados na Lei 24/2013, do 26 de decembro, do sector eléctrico (BOE núm. 310); no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción da dita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

A presente autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal en que poida incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra o presente acordo, que non é definitivo na vía administrativa, cabe interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.

A Coruña, 15 de outubro de 2021

Isidoro Martínez Arca
Xefe territorial da Coruña