O Concello de Sandiás acordou a incoación dos expedientes sancionadores número SCOVID/SANDIAS/0003 e cinco máis por vulneración da normativa sanitaria.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a notificación do inicio do procedemento sancionador en materia sanitaria ás persoas interesadas que figuran no anexo efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia.

Dado que neste acto non se publica na súa integridade a notificación referida, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro do acto que se notifica atópase á disposición das persoas interesadas, xunto co resto do expediente, no prazo máximo de dez (10) días hábiles, contados desde o día seguinte ao desta publicación no Boletín Oficial del Estado, nas oficinas municipais do Concello de Sandiás, situadas na rúa Campo de San Nicolás, 2, Sandiás, Ourense, das 9.00 ás 14.00 horas, de luns a venres. Advírtese ás persoas interesadas que, de non compareceren no referido prazo, a notificación entenderase producida, para todos os efectos, o día seguinte ao do vencemento do prazo.

As persoas interesadas dispoñen do prazo indicado no parágrafo anterior para achegaren ante a persoa instrutora do expediente cantas alegacións, documentos ou informacións xulguen convenientes e, de ser o caso, propoñeren proba concretando os medios de que pretendan valerse, de conformidade co artigo 64.2.f) da Lei 39/2015, do 1 de outubro, do procedemento administrativo común das administracións públicas. De non efectuaren alegacións no referido prazo, o acordo de inicio poderá ser considerado proposta de resolución.

De conformidade co disposto nos artigos 85 da Lei 39/2015, do 1 de outubro, do procedemento administrativo común das administracións públicas, e 44.bis.5 da Lei 8/2008, do 10 de xullo, de saúde de Galicia, as persoas interesadas son informadas de que a sanción que se indica no acordo de incoación poderá estar suxeita ás seguintes reducións: o 25 % no caso de recoñecemento da súa responsabilidade ou de pagamento voluntario da sanción antes da resolución do procedemento, ou o 50 % no caso de recoñecemento da súa responsabilidade e de pagamento voluntario da sanción antes da resolución do procedemento. A efectividade de calquera destas reducións estará condicionada á desistencia ou renuncia de calquera acción ou recurso na vía administrativa contra a sanción.

Este anuncio realízase ao abeiro do establecido no convenio asinado o 27 de novembro de 2020 entre a Vicepresidencia Primeira e Consellería de Presidencia, Xustiza e Turismo e a Federación Galega de Municipios e Provincias (Fegamp) para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra a COVID-19.

Santiago de Compostela, 27 de outubro de 2021

Eva Muíño García
Funcionaria da unidade tramitadora

ANEXO

Número de expediente	DNI/CIF persoa interesada	Infracción imputada	Precepto cualificador	Precepto sancionador	Sanción proposta
SCOVID/SANDIAS/0003	39733725Y	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros
SCOVID/SANDIAS/0004	80082523L	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros
SCOVID/SANDIAS/0005	43178310L	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros
SCOVID/SANDIAS/0006	X4636362E	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros
SCOVID/SANDIAS/0008	34982584K	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros
SCOVID/SANDIAS/0012	12453986S	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	80 euros