Visto o expediente instruído para os efectos da transmisión da concesión administrativa e da Pouso I, resulta:
a) Antecedentes:
Primeiro. O 28 de febreiro de 1986, emitiuse autorización previa de transmisión inter vivos da concesión administrativa e da batea Pouso I a favor de Rafael Pouso Davila, de acordo co establecido no artigo 13 da Lei 15/1985, do 23 de outubro (DOG nº 236).
Segundo. O 12 de maio de 1986, outórgase escritura pública de compra venda en que consta como único comprador o solicitante, publicándose a orde de cambio de dominio no DOG nº 186, do 27 de setembro de 1989.
Terceiro. O 23 de xullo de 2021, presenta solicitude de transmisión inter vivos a favor de María de los Ángeles Rodríguez Frutos.
Cuarto. O interesado manifesta, con posterioridade, que non pode levar a cabo a transmisión inter vivos a favor de María de los Ángeles Rodríguez Frutos xa que é titular con carácter ganancial da batea e da concesión administrativa que pretendía transmitir.
Quinto. Unha vez feitas as comprobacións oportunas nos arquivos da Consellería e á vista da copia do libro de familia achegado, verifícase que Rafael Pouso Davila e María de los Ángeles Rodríguez Frutos contraeron matrimonio entre a data da autorización de transmisión previa do 26 de febreiro de 1986 e a compra venda do ben feita o 12 de maio de 1986.
Sexto. O 28 de setembro de 2021, o interesado achega acta notarial de manifestacións en que se indica que contraeron matrimonio o 5 de abril de 1986 e que o 12 de maio de 1986 Rafael Pouso Davila adquiriu o viveiro de cultivo de mexillón Pouso I, facendo constar por erro que estaba solteiro e tendo neste caso o ben carácter ganancial.
b) Consideracións legais e técnicas:
Primeira. Este órgano é competente para resolver o expediente consonte a Lei 11/2008, do 3 de decembro de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e a Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Por todo o anterior, resolvo:
Modificar a Orde do 23 de agosto de 1989 (DOG nº 186, do 27 de setembro), quedando a titularidade do seguinte xeito:
Identificación:
Tipo: batea.
Nome: Pouso I.
Ubicación:
Cuadrícula nº: 38.
Polígono: B.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión de actividad.
Orde de outorgamento: 8.11.1974.
Remate da vixencia: 15.12.2029.
Actual titular: Rafael Pouso Davila (***3088**).
Novos titulares: Rafael Pouso Davila (***3088**) e María de los Ángeles Rodríguez Frutos (***5026**).
Os novos titulares da concesión quedan subrogados nos dereitos e nas obrigas do anterior.
Contra a presente resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, que se interporá no prazo de dous meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 25 de outubro de 2021
A conselleira do Mar
P.D. (Orde do 8.9.2017)
María José Cancelo Baquero
Xefa territorial da Coruña
