Mediante a Orde do 5 de outubro de 2021, da Vicepresidencia Primeira e Consellería de Presidencia, Xustiza e Turismo, publicada no DOG número 204, do 22 de outubro, convocouse o proceso selectivo para o acceso e ingreso nos corpos da Policía Local de Galicia, escala básica, categoría de policía, quendas de acceso libre e concurso (códigos de procedemento PR461B e PR461D).
O número de prazas convocadas era 29 pola quenda de oposición libre e 3 pola quenda de concurso para mobilidade, subgrupo C1. A denominación e características das prazas convocadas especificábanse no anexo III da orde.
Ademais, prevíase que o dito anexo III puidese ser modificado mediante resolución da Dirección Xeral da Agasp, publicada no DOG con anterioridade á publicación da listaxe definitiva de admitidos e excluídos neste proceso selectivo.
Mediante esta resolución inclúense tres novas prazas da quenda de concurso.
O prazo de presentación de solicitudes remata o 29 de novembro de 2021, polo que resulta de aplicación o establecido no artigo 32 da Lei 39/2015, do 1 de outubro, do procecedemento administrativo común das administracións públicas.
Polo tanto, e tendo en conta que o prazo restante pode dificultar a presentación en prazo das solicitudes da quenda de concurso, tendo en conta as novas prazas convocadas, esta dirección xeral
RESOLVE:
1. Modificar o anexo III no referente ás prazas convocadas pola quenda de concurso, que queda como segue:
|
Concello |
Nº de prazas |
Denominación |
Escala |
Categoría |
Grupo |
Procedemento de selección |
|
A Coruña |
2 |
Policía local |
Básica |
Policía |
C1 |
Concurso |
|
Santiago de Compostela |
3 |
Policía local |
Básica |
Policía |
C1 |
Concurso |
|
Tui |
1 |
Policía local |
Básica |
Policía |
C1 |
Concurso |
|
Total mobilidade |
6 |
Tal e como establecen as bases da convocatoria, o anexo III poderá ser modificado mediante resolución da Dirección Xeral da Academia Galega de Seguridade Pública, publicada no DOG con anterioridade á publicación da listaxe definitiva de admitidos e excluídos neste proceso selectivo.
2. Ampliar o prazo de presentación de solicitudes da quenda de concurso 10 días hábiles contados a partir do 30 de novembro de 2021, inclusive.
Contra a resolución de ampliación de prazo non cabe recurso.
A Estrada, 22 de novembro de 2021
Santiago Villanueva Álvarez
Director xeral da Academia Galega de Seguridade Pública
