No Boletín Oficial da provincia de Pontevedra (BOP) número 224, do venres 19 de novembro de 2021, publicáronse as bases xerais e específicas que rexen a convocatoria para o acceso a diversas prazas vacantes no corpo da Policía Local da OEP 2021.
A concelleira delegada do Servizo de Persoal e Cultura convocou, mediante Resolución do 4 de novembro de 2021, os procesos selectivos para a cobertura de diversas prazas vacantes no corpo da Policía Local do Concello de Pontevedra, incluídas na oferta de emprego público do ano 2021, que a seguir se sinalan:
– Segundo o artigo 76 do Real decreto lexislativo 5/2015, polo que se aproba o texto refundido da Lei do Estatuto básico do empregado público, grupo A, subgrupo A2. Clasificación: escala de Administración especial, subescala de servizos especiais, clase policía local. Número de vacantes: 1. Denominación: inspector/a. O sistema de selección será o de promoción interna.
– Segundo o artigo 76 do Real decreto lexislativo 5/2015, polo que se aproba o texto refundido da Lei do Estatuto básico do empregado público, grupo C, subgrupo C1. Clasificación: escala de Administración especial, subescala de servizos especiais, clase policía local. Número de vacantes: 1. Denominación: oficial. O sistema de selección será o de mobilidade horizontal.
O prazo de presentación de instancias será de vinte días naturais contados a partir do día seguinte ao da publicación do presente anuncio no Boletín Oficial del Estado (BOE), os sucesivos anuncios publicaranse no Boletín Oficial da provincia de Pontevedra e no taboleiro de edictos da corporación nos termos establecidos nas bases.
Pontevedra, 19 de novembro de 2021
O alcalde
P.D. (Acordo do 5.2.2021)
José Manuel González Abal
Director xeral de Recursos Humanos