A Xunta de Goberno Local, en sesión do 11 de novembro de 2021, adoptou o acordo de aprobación da oferta de emprego público para 2021, que se transcribe a seguir:
4.a) Oferta de emprego público 2021.
Ao existiren vacantes de auxiliar administrativo e de administrativo (esta última procedente de xubilación do funcionario titular da praza) neste concello de Touro, segundo se desprende da relación de postos de traballo e en aplicación do establecido na Lei 11/2020, do 30 de decembro, de orzamentos xerais do Estado para o ano 2021, a Xunta de Goberno, por unanimidade, acorda:
Primeiro. Aprobar a oferta de emprego público do Concello de Touro para o ano 2021, que cumpre coa taxa de reposición establecida no artigo 19.1 da Lei 11/2020, do 30 de decembro, de orzamentos xerais do Estado para o ano 2021, e que contén as seguintes prazas:
Código |
Grupo |
Descrición praza |
Escala |
Dotación |
01010002 |
C1 |
Administrativo |
Administración xeral |
1 |
01010004 |
C2 |
Auxiliar administrativo |
Administración xeral |
1 |
Segundo. Publicar o presente acordo no Diario Oficial de Galicia e no Boletín Oficial da Provincia, para os efectos establecidos no artigo 91 da Lei 7/1985, do 2 de abril, reguladora das bases de réxime local, e no artigo 70.2 do texto refundido da Lei do Estatuto básico do empregado público (Real decreto lexislativo 5/2015, do 30 de outubro).
O que se fai público, de conformidade co disposto no número 2 do artigo 70 do Real decreto lexislativo 5/2015, do 30 de outubro, polo que se aproba texto refundido da Lei do Estatuto do empregado público.
Touro, 22 de novembro de 2021
Ignacio Codesido Barreiro
Alcalde