Ao ser preciso o cumprimento da obriga de xestión da biomasa vexetal e da retirada de árbores das especies incluídas na disposición adicional terceira da Lei 3/2007, do 9 de abril, de prevención e defensa contra os incendios forestais de Galicia, e conforme o establecido no artigo 22.3 da Lei 3/2007 e nos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, cando os interesados nun procedemento son descoñecidos, ou non sexa posible a notificación aos interesados, as notificacións practicaranse por medio dun anuncio publicado no Diario Oficial de Galicia (DOG) e no Boletín Oficial del Estado (BOE) cos datos catastrais do terreo, e a eficacia do acto notificado queda supeditada á publicación no BOE.

Por medio deste anuncio comunicáselles ás persoas responsables a súa obriga de xestión da biomasa e/ou retirada das especies arbóreas prohibidas, para o cal son requiridas, e concédeselles un prazo máximo de quince (15) días naturais desde a publicación no BOE do anuncio preceptivo.

Tomiño, 23 de novembro de 2021

A alcaldesa
P.D. (Decreto do 13.9.2019)
Ana Belén Casaleiro González
Concelleira de Medio Ambiente