No Boletín Oficial da provincia de Pontevedra número 210, do 2 de novembro de 2021, publicáronse integramente as bases que rexerán a convocatoria para a provisión, con carácter de persoal laboral fixo, mediante o sistema de concurso-oposición e promoción interna, dunha praza vacante de oficial de servizos múltiples, incluída na oferta de emprego público de 2018 do Concello das Neves. O día 8 de novembro de 2021 publicouse unha corrección de erros sobre esta.

O prazo de presentación de solicitudes será de vinte días hábiles contados desde o día seguinte ao da publicación do correspondente anuncio no Boletín Oficial del Estado.

Os sucesivos anuncios deste proceso selectivo, cando procedan, realizaranse na forma prevista nas propias bases.

As Neves, 2 de novembro de 2021

Xosé Manuel Rodríguez Méndez
Alcalde presidente