Advertidos erros na resolución antes citada, publicada no Diario Oficial de Galicia número 241, do 17 de decembro de 2021, cómpre facer a seguinte corrección:
Na páxina 61956, respecto da base II.1.2.1, onde di:
«II.1.2.1. A orde de actuación das persoas aspirantes será por orde alfabética e iniciarase por aqueles cuxo primeiro apelido comece pola letra Y, de conformidade co establecido na Resolución da Consellería de Facenda e Administración Pública, do 29 de xaneiro de 2021 (DOG núm. 24, do 5 de febreiro), pola que se publica o resultado do sorteo realizado, en cumprimento do establecido na Resolución da mesma consellería do 18 de xaneiro de 2021 (DOG núm. 14, do 22 de xaneiro)».
Debe dicir:
«II.1.2.1. A orde de actuación das persoas aspirantes nos procesos selectivos relativos ás especialidades de enxeñaría agronómica, de enxeñaría de montes, de química e na escala de arquitectos será por orde alfabética e iniciarase por aquelas cuxo primeiro apelido comece pola letra Y, de conformidade co establecido na Resolución da Consellería de Facenda e Administración Pública, do 29 de xaneiro de 2021 (DOG núm. 24, do 5 de febreiro), pola que se publica o resultado do sorteo realizado, en cumprimento do establecido na Resolución da mesma consellería do 18 de xaneiro de 2021 (DOG núm. 14, do 22 de xaneiro).
No proceso selectivo relativo á especialidade de enxeñaría industrial, a orde de actuación das persoas aspirantes será por orde alfabética e iniciarase por aquelas cuxo primeiro apelido comece pola letra S, de conformidade co establecido na Resolución da Consellería de Facenda, do 30 de xaneiro de 2020 (DOG núm. 27, do 10 de febreiro), pola que se publica o resultado do sorteo realizado, en cumprimento do establecido na Resolución da mesma consellería do 8 de xaneiro de 2020 (DOG núm. 12, do 20 de xaneiro)».
