Mediante a Resolución da Alcaldía nº 3354, do 13 de decembro de 2021, aprobouse inicialmente o proxecto de expropiación forzosa por taxación conxunta para a obtención dos bens e dereitos dos titulares non incorporados á Xunta de Compensación da área de repartición do sector SI-4 Calvo do Plan xeral de ordenación municipal de Carballo (PXOM), segundo o proxecto de expropiación presentado o 3 de decembro de 2021, número de rexistro de entrada 202199900005681, coa seguinte relación de predios de titulares afectados:

Predio	Ref. catastral	Titular	Afectada (m2)	Clasif. urbanística	Situación básica do solo	Bens afectados
P3	15019A002000550000IX	Jesús Puente Rama	181,11	Solo rústico de especial protección de augas	Rural	Plantación eucaliptos
P4	15019A002001280000IW	Mª Carmen Suárez Barca	86,70
P5	15019A002000560000II	Estrella Veciño Ríos	29,43
P6	15019A002000570000IJ	Herdeiros Laureano Trigo Facal	14,78
Total			312,02

O que se somete a información pública polo prazo dun mes en cumprimento dos artigos 118.3 da Lei 2/2016, do 10 de febreiro, do solo de Galicia, e 293.3 do Regulamento da Lei do solo, co fin de que as persoas que se consideren interesadas formulen as observacións e reclamacións que xulguen convenientes, en particular no relativo á titularidade ou valoración dos seus respectivos dereitos.

Así mesmo, requíreselles aos titulares dos bens e dereitos afectados que acheguen os títulos que os acrediten como propietarios deles. Advírteselles que este anuncio serve de notificación no caso de que estes sexan descoñecidos ou se descoñeza o seu enderezo, segundo o previsto no artigo 44 da Lei 39/2015, do procedemento administrativo común das administracións públicas.

O documento técnico e os trámites contidos no expediente poderanse consultar na Oficina Técnica municipal, das 10.00 ás 13.00 horas, e na páxina web do Concello na seguinte ligazón, punto 7 Outros:

http://carballo.org/urbanismo/planeamentodesenvolvemento.php?idioma=gl#ancla

Carballo, 15 de decembro de 2021

Evencio Ferrero Rodríguez
Alcalde