Advertidos erros na dita orde, publicada no Diario Oficial de Galicia núm. 250, do 30 de decembro de 2021, cómpre facer as seguintes correccións:
No artigo 23.c), onde di: «inflación», debe dicir: «inflación/deflación».
No artigo 23.d), onde di: «Inverso do coeficiente de planta en garaxes (1/Cp), que ten en conta a diferenza de valor en cada planta onde se sitúe a praza de garaxe, segundo o disposto no artigo 15 desta orde», debe dicir: «Inverso do coeficiente de planta. Inclúe dous factores: 1) en garaxes (1/Cp), que ten en conta a diferenza de valor en cada planta onde se sitúe a praza de garaxe; 2) en vivendas (1/Cp) que ten en conta a diferenza de valor en cada planta por ausencia de ascensor, segundo o disposto no artigo 15 desta orde».
A alínea f) do artigo 23 debe ser a alínea h).
A alínea g) do artigo 23 debe ser a alínea i).
A redacción das alíneas f) e g) do artigo 23 queda como segue:
«f) Coeficiente por tipoloxía construtiva (Ct), homoxeneiza os valores de dúas comparables tendo en conta os seus diferentes tipos construtivos, á marxe da súa antigüidade física. Deberase xustificar a súa procedencia.
g) Coeficiente por estado de conservación (Ce), homoxeneiza os valores de dúas comparables tendo en conta os seus posibles distintos estados de conservación derivados do seu uso e mantemento, á marxe da súa antigüidade física. Deberase xustificar a súa procedencia».
No artigo 24, onde di: «...os coeficientes Ca, Cp, Cs e Cv que sexan de aplicación ao caso, e outros que se considere que poidan resultar necesarios, á vista da documentación que consta no expediente, para obter o valor real...», debe dicir: «...os coeficientes Ca, Cp, Cs, Ct, Ce e Cv que sexan de aplicación ao caso, e outros que se considere que poidan resultar necesarios, á vista da documentación que consta no expediente, para obter o valor de mercado...».