Na sesión que tivo lugar o día 18 de xaneiro de 2022, o tribunal nomeado pola Resolución do 20 de xullo de 2021 (DOG núm. 145, do 30 de xullo), modificada pola Resolución do 8 de setembro de 2021 (DOG núm. 176, do 13 de setembro), acordou, de conformidade co disposto na base II.1.1.2. da convocatoria, adoptar os seguintes acordos:
Primeiro. Examinadas as reclamacións presentadas polas persoas aspirantes contra as puntuacións obtidas no primeiro exercicio, publicadas pola Resolución do 16 de decembro de 2021 (DOG núm. 248, do 28 de decembro), realizouse unha nova corrección manual das persoas aspirantes que presentaron reclamacións contra a corrección, e modificouse a puntuación dunha aspirante da categoría de emisorista/vixilante, que a ve incrementada, e pasa a superar o exercicio. O resto das reclamacións presentadas desestímase na súa totalidade.
Segundo. Publicar a nova puntuación obtida pola persoa aspirante que viu modificada a súa puntuación no portal web da Xunta de Galicia (funcionpublica.xunta.gal).
Terceiro. Contra este acordo poderase interpor recurso de alzada ante o conselleiro de Facenda e Administración Pública nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 18 de xaneiro de 2022
Ángel Romero Baleirón
Presidente do tribunal