O Pleno do Concello de Baralla, na sesión ordinaria celebrada o 30 de setembro de 2020, adoptou o acordo de aprobación inicial da modificación puntual das normas subsidiarias de planeamento do concello de Baralla: solo urbanizable de uso industrial SUB-2, en Santo Estevo.

De acordo co establecido no artigo 60 da Lei 2/2016, do 10 de febreiro, do solo de Galicia, sométese ao trámite de información pública o mencionado acordo durante o prazo de dous meses para os efectos de que os interesados examinen o expediente e presenten as alegacións e reclamacións que consideren oportunas.

Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente. A duración da suspensión é de dous anos máximo contados desde a devandita aprobación e, en calquera caso, extinguirase coa aprobación definitiva da modificación do planeamento, tal e como se prevé na Lei 2/2016.

As áreas afectadas pola suspensión son as seguintes:

As determinacións previstas na presente modificación inciden unicamente no cambio de cualificación do solo, que pasa de ser rústico a urbanizable industrial con ordenación detallada no ámbito da parcela catastral 27036A078000870000EL e 27036A078002790000ET.

Baralla, 22 de novembro de 2021

Miguel González Piñeiro
Alcalde