De conformidade co disposto no artigo 118 da Lei do solo de Galicia, comunícase que con data do 31 de xaneiro de 2022, mediante Resolución de Alcaldía número 235/2022, foi aprobado inicialmente proxecto de expropiación forzosa (taxación conxunta) por razóns urbanísticas para a execución do proxecto de obra denominado construción de beirarrúas urbanización Monte Golf-límite concello da Coruña.
Así mesmo, consonte a devandita resolución, procede someter a información pública por período dun mes o referido proxecto, mediante a inserción de anuncios no Diario Oficial de Galicia (DOG), e nun xornal de maior circulación da provincia, así como á notificación individualizada con traslado literal das follas de valoración e da proposta de fixación dos criterios de valoración a todos os que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio como a fixación do prezo xusto por idéntico prazo dun mes.
A relación de bens e dereitos afectados é a seguinte:
Nº parcela |
Ref. catastral |
Titular |
Sup. afectada (m2) |
1 |
15005A072006550000PX |
Sociedad de Gestión de Activos Procedentes de la Reestructuración Bancaria, S.A. |
723,18 |
Durante o devandito prazo as persoas interesadas poderán examinar o seu contido, nas dependencias municipais do Concello de Arteixo, sitas na Travesía de Arteixo, nº 249, 3º andar, en horario de luns a venres das 9.00 ás 14.00 horas, co fin de que poidan alegar e presentar os documentos e xustificacións que consideren pertinentes.
Ante a eventualidade de que poidan existir interesados descoñecidos neste procedemento, ignórese o lugar da notificación, ou ben tentada esta non se puido practicar, sirva a presente de notificación co alcance e a finalidade previstos no artigo 44 da Lei 39/2015, do procedemento administrativo común das administración públicas, sen prexuízo da preceptiva publicación no Boletín Oficial del Estado (BOE).
Arteixo, 1 de febreiro de 2022
O alcalde
P.D. (Decreto nº 1513/2021)
Luis Alberto Castro Calvete
Concelleiro delegado de Urbanismo e Patrimonio