O Concello Pleno, en sesión que tivo lugar o 13 de xaneiro de 2022, acordou aprobar o cambio de uso da parcela sita na avenida da Mariña, número 21, con referencia catastral 9168009NH1196N0001RO (antiga Comandancia da Mariña), que pasa da cualificación actual «Outros equipamentos (OE)» a «Equipamentos sanitarios (ESA)», para os efectos de poder implantar un futuro centro de saúde.
De conformidade co establecido no artigo 82 da Lei 2/2016, do 10 de febreiro, do solo de Galicia, publícase este acordo no Diario Oficial de Galicia e no Boletín Oficial da provincia.
Contra este acordo, que pon fin á vía administrativa, poderase interpor recurso contencioso-administrativo no prazo de dous meses, contados desde o día seguinte ao da última publicación deste anuncio no DOG ou no BOP, perante o Tribunal Superior de Xustiza de Galicia, sen prexuízo de calquera outro recurso ou acción que coiden oportuno.
Vilagarcía de Arousa, 17 de xaneiro de 2022
Alberto Varela Paz
Alcalde