Retegal é unha sociedade mercantil pública autonómica, pertencente ao sector público autonómico e adscrita, de conformidade co Decreto 252/2011, do 15 de decembro, á Axencia para a Modernización Tecnolóxica de Galicia.
Con data do 24 de xaneiro de 2022 o tribunal de selección nomeado para a cobertura do posto de Dirección Económica, Administrativa e de RRHH da Sociedade Redes de Telecomunicación Galegas Retegal, S.A., propuxo como candidato seleccionado a Álvaro Luis Rodríguez Losada.
O Consello de Administración, con data do 1 de febreiro de 2022, e con base no disposto no capítulo nove das bases reguladoras da convocatoria de selección, acordou nomear como director económico, administrativo e RRHH de Retegal a Álvaro Luis Rodríguez Losada.
Santiago de Compostela, 8 de febreiro de 2022
Mar Pereira Álvarez
Presidenta do Consello de Administración de Retegal