O Pleno do Concello de Soutomaior, en sesión ordinaria que tivo lugar o día 27 de xaneiro de 2022, adoptou, entre outros, o acordo de aprobación da proposta de bandeira remitida pola Comisión de Heráldica da Xunta de Galicia.

Dando cumprimento ao establecido no artigo 16 do Decreto 19/2010, do 11 de febreiro, o expediente queda sometido ao trámite de información pública durante o prazo dun mes, contado desde o día seguinte ao da publicación deste anuncio no Diario Oficial de Galicia e no taboleiro de anuncios municipal. Durante este prazo os interesados poderán presentar as alegacións que coiden oportunas.

Ademais, estará á disposición na sede electrónica deste concello (enderezo electrónico https://soutomaior.sedelectronica.es).

Soutomaior, 1 de febreiro de 2022

Agustín Reguera Ocampo
Alcalde