No Xulgado do Contencioso-Administrativo número 1 de Santiago de Compostela, tramítase o recurso 30/2022 (procedemento abreviado), interposto por Lucía Rodríguez Díaz fronte á Resolución do 2 de agosto de 2021, da Dirección Xeral de Recursos Humanos, pola que se desestima o recurso de reposición formulado fronte á Resolución do 20 de novembro de 2020 pola que se convoca o procedemento de acceso aos graos I a IV de carreira profesional correspondente á convocatoria do ano 2020 (DOG núm. 241, do 30 de novembro).

A recorrente solicita a anulación do punto sétimo da citada Resolución do 20 de novembro de 2020 por entender que é contrario ao ordenamento xurídico.

O que se notifica para xeral coñecemento de todas as persoas interesadas no procedemento, que son emprazadas para que poidan compareceren no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 17 de febreiro de 2022

Ana Mª Comesaña Álvarez
Directora xeral de Recursos Humanos