Pola Resolución da Alcaldía do 8.2.2022, resolveuse nomear como policía local funcionario de carreira (escala de administración especial, subescala servizos especiais, clase: policía local, grupo C1) deste concello a seguinte persoa, ao superar o proceso selectivo unitario para o ingreso nos corpos de policía local, escala básica (DOG nº 137, do 10.7.2020), vinculado á oferta de emprego público do ano 2019, e o curso selectivo de capacitación para a categoría de policía, dos corpos de Policía de Galicia, convocado mediante a Resolución do 14 de maio de 2021:
– José Antonio Fernández Rodríguez, con DNI núm. **7796**.
Contra a presente resolución poden interporse os seguintes recursos:
• Potestativo de reposición, ante o mesmo órgano que ditou o acordo, no prazo dun mes contado a partir do día seguinte ao desta notificación.
• Contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao da presente notificación, se non se interpuxo o de reposición. Se se interpuxo este último, o prazo de dous meses empezará a contar desde o día seguinte ao da notificación da resolución do recurso de reposición, se esta for expresa. Se a resolución non for expresa, o prazo para interpoñer o recurso contencioso-administrativo será de seis meses contados a partir do día seguinte a aquel en que se produza a desestimación por silencio administrativo.
• Calquera outro que se considere conveniente, baixo a súa responsabilidade.
Tui, 8 de febreiro de 2022
Enrique Cabaleiro González
Alcalde