Segundo sinala o artigo 13 do Decreto 29/2017, do 9 de marzo, de cooperación para o desenvolvemento, de acordo co previsto polo artigo 89 da Lei 10/2021, do 9 de marzo, reguladora da acción exterior e da cooperación para o desenvolvemento, o Consello Galego de Cooperación para o Desenvolvemento é o órgano de consulta e participación da sociedade galega en materia de cooperación para o desenvolvemento e estará adscrito ao departamento competente nesa materia.
O punto primeiro do artigo 15 do Decreto 29/2017, do 9 de marzo, de cooperación para o desenvolvemento, regula a composición do Consello Galego de Cooperación para o Desenvolvemento (Congacode).
O punto terceiro do dito artigo 15 sinala que as persoas vogais do Congacode, excepto a persoa titular da vicepresidencia e as persoas representantes das consellerías da Administración xeral da Xunta de Galicia, serán nomeadas e separadas pola persoa titular da consellería competente en materia de cooperación para o desenvolvemento, por proposta das entidades con representación nel, mediante orde publicada no Diario Oficial de Galicia, e desempeñarán os seus cargos por un período de catro anos.
Polo tanto, vista a proposta de nomeamento formulada polos órganos de goberno dos distintos axentes de cooperación con representación no Congacode e de acordo co disposto no número 3 do artigo 15 do Decreto 29/2017, do 9 de marzo, de cooperación para o desenvolvemento,
DISPOÑO:
Artigo único
1. Separar como vogais titulares e suplentes do Consello Galego de Cooperación para o Desenvolvemento en representación dos axentes de cooperación, agradecéndolles os servizos prestados, as seguintes persoas:
Pilar García de la Torre.
Víctor Arce Vázquez.
Débora Navarro García.
Cristina Calvo Alamillo.
Juan Redondo Abelenda.
Joaquín Varela Rivera.
2. Nomear como vogais do Consello Galego de Cooperación para o Desenvolvemento en representación das universidades galegas a:
Titular: Víctor Arce Vázquez, vicerreitor de Estudantes e Proxección Internacional da Universidade de Santiago de Compostela.
Suplente: María José Cabaleiro Casal, profesora titular da Universidade de Vigo.
3. Nomear como vogais do Consello Galego de Cooperación para o Desenvolvemento en representación das entidades inscritas na sección D do Rexistro Galego de Axentes de Cooperación a:
Titular: Esther Basanta Regodesebes (Fundación Mujeres).
Suplente: Débora Navarro García (Fundación Galicia Innova).
4. Nomear como vogais do Consello Galego de Cooperación para o Desenvolvemento en representación daquelas organizacións non gobernamentais que traballen no eido social e/ou con persoas migrantes ou refuxiadas e outros colectivos afíns ao traballo en cooperación, educación ou acción humanitaria a:
Titular: Juan Redondo Abelenda (Cruz Vermella).
Suplente: Joaquín Varela Rivera (Cruz Vermella).
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 13 de abril de 2022
Alfonso Rueda Valenzuela
Vicepresidente primeiro e conselleiro
de Presidencia, Xustiza e Turismo