Pola Resolución da Alcaldía deste concello, do 16 de maio de 2022, aprobouse a oferta de emprego público para a estabilización do emprego temporal.

Mediante a Resolución da Alcaldía deste concello aprobouse a oferta de emprego público para a estabilización de emprego temporal, que cumpre as previsións do artigo 2 e das disposicións adicionais 6ª e 8ª da Lei 20/2021, do 28 de decembro, de medidas urxentes para a redución da temporalidade no emprego público, correspondente á/ás praza/s que a continuación se relacionan:

Persoal laboral:

Grupo	Categoría laboral	Denominación	Vacantes	Sistema de acceso
II	Fixo a tempo completo	AEDL	1	Concurso
I	Fixo a tempo parcial	Arquitecto	1	Concurso
II	Fixo a tempo completo	Traballadora social	1	Concurso
V	Fixo a tempo completo	Limpadora	1	Concurso-oposición
V	Fixo a tempo completo	Auxiliar de axuda no fogar	5	Concurso-oposición

En cumprimento do artigo 91 da Lei 7/1985, do 2 de abril, reguladora das bases de réxime local, e do artigo 70.2 do texto refundido da Lei do Estatuto básico do empregado público aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello de Triacastela.

Triacastela, 16 de maio de 2022

María Olga Iglesias Fontal
Alcaldesa