A Xunta de Goberno Local, en sesión do 18 de maio de 2022, adoptou o acordo de aprobación da oferta extraordinaria de emprego público para 2022 que se transcribe a seguir:
I. Aprobación da oferta extraordinaria de emprego público 2022, para a estabilización de emprego temporal do concello.
Logo de ser examinada a proposta para a aprobación da oferta extraordinaria de emprego público 2022 para a estabilización de emprego temporal, conforme as previsións do artigo 2 da Lei 20/2021, do 28 de decembro, de medidas urxentes para a redución da temporalidade no emprego público, na cal se especifican as prazas existentes para estabilización de emprego temporal,
Considerando os informes da Intervención e Secretaría que obran no expediente e o Acordo da Mesa Xeral de Negociación do día 18 de maio de 2022, polos que se informa favorablemente a súa aprobación,
Tendo en conta a seguinte lexislación aplicable:
– O artigo 2, disposición adicional primeira, cuarta, quinta, sexta, oitava e novena, e a disposición transitoria primeira da Lei 20/2021, do 28 de decembro, de medidas urxentes para a redución da temporalidade no emprego público.
– Os artigos 10, 11, 37, 69 e 70, e a disposición adicional cuarta do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro.
– O artigo 128 do texto refundido das disposicións legais vixentes en materia de réxime local aprobado polo Real decreto lexislativo 781/1986, do 18 de abril.
– Os artigos 91 e 21.1.g) da Lei 7/1985, do 2 de abril, reguladora das bases de réxime local.
Logo de ser vistos os antecedentes, a Xunta de Goberno Local, por unanimidade,
ACORDA:
Primeiro. Aprobar a oferta extraordinaria de emprego público deste concello para o ano 2022, para a estabilización de emprego temporal, que contén as seguintes prazas:
Denominación da praza |
Categoría (grupo convenio) |
Nº de prazas |
Situación laboral |
Concurso-oposición (art. 2 da Lei 20/2021) |
Concurso (DA 6ª e 8ª da Lei 20/2021) |
Auxiliar de servizos sociais |
Grupo IV |
1 |
Laboral temporal |
X |
|
Condutor/a encargado/a do camión do lixo |
Grupo V |
1 |
Laboral temporal |
X |
|
Auxiliar de axuda no fogar |
Grupo V |
1 |
Laboral temporal |
X |
|
Encargado/a do Punto de Atención á Infancia (PAI) |
Grupo III |
1 |
Laboral temporal |
X |
|
Auxiliar de apoio do Punto de Atención á Infancia (PAI) |
Grupo IV |
1 |
Laboral temporal |
X |
|
Animador/a deportivo/a |
Grupo III |
1 |
Laboral temporal |
X |
Segundo. Publicar a oferta extraordinaria de emprego público para a estabilización do emprego temporal do Concello de Touro no taboleiro de anuncios da corporación, así como na sede electrónica deste concello https://sede.touro.gal, no Boletín Oficial da provincia da Coruña e no Boletín Oficial da Comunidade Autónoma correspondente, en cumprimento do artigo 91 da Lei 7/1985, do 2 de abril, reguladora das bases de réxime local, e do artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro.
Terceiro. A publicación da convocatoria para a cobertura das prazas incluídas na oferta para a estabilización temporal deberá ser antes do 31 de decembro de 2022 e a súa resolución antes do 31 de decembro de 2024.
Cuarto. Notificarlle este acordo aos interesados, con indicación expresa dos recursos que se deben interpor, e darlle conta ao Pleno da corporación na primeira sesión ordinaria que realice.
Touro, 18 de maio de 2022
Ignacio Codesido Barreiro
Alcalde