Mediante a Resolución da Alcaldía deste concello, do 16 de maio de 2022, aprobouse a oferta de emprego público para a estabilización do emprego temporal coas seguintes prazas:

Persoal laboral:

Grupo	Denominación	Nº vacantes	Xornada	Sistema
7	Auxiliar de axuda no fogar	5	Completa	Concurso
5	Administrativo de apoio para reforzar os servizos	1	Completa	Concurso-oposición
10	Limpadoras, persoal laboral temporal	2	½ xornada	Concurso
5	Persoal de atención á infancia do PAI (punto de atención á infancia)	1	Completa	Concurso
10	Persoal de apoio e atención á infancia do PAI (punto de atención á infancia)	1	Completa	Concurso
10	Peón brigada de obras	1	Completa	Concurso

En cumprimento do artigo 91 da Lei 7/1985, do 2 de abril, reguladora das bases de réxime local, e o artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello da Peroxa.

Contra esta resolución pódese interpoñer alternativamente recurso de reposición, ante o alcalde, no prazo dun mes, ou recurso contencioso-administrativo, ante o xulgado do contencioso-administrativo competente ou, á elección do interesado, o que corresponda ao seu domicilio, no prazo de dous meses. Se se opta por interpoñer o recurso de reposición potestativo, non se poderá interpoñer recurso contencioso-administrativo ata que aquel sexa resolto.

Todo iso sen prexuízo de que poida interpoñer calquera outro recurso que considere máis conveniente ao seu dereito.

A Peroxa, 16 de maio de 2022

Manuel Seoane Rodríguez
Alcalde