O Pleno da Corporación, na sesión ordinaria do 27 de febreiro de 2022, acordou iniciar expediente para cambiar o uso de depuradora da parcela P1 do Plan parcial Parque Montouto, asignándolle un uso dotacional de carácter global, e someter o expediente a información pública.
En virtude do citado acordo e segundo o artigo 83 da Lei 39/2015, do 1 de outubro, do procedemento administrativo común das administracións públicas, someteuse o expediente a información pública, para que as persoas interesadas puideran formular as alegacións que tivesen por conveniente para a defensa dos seus dereitos e intereses, durante un prazo de vinte días, mediante inserción de anuncio no taboleiro de edictos do Concello (1.3.2022), na web municipal (2.3.2022) e no BOP (7.3.2022), computándose o prazo a partir do seguinte ao da publicación do anuncio no BOP.
Transcorrido o período de información pública e ao non se presentar alegación ou reclamación ningunha, o Pleno da Corporación, na sesión ordinaria do 27 de abril de 2022, acordou cambiar o uso de depuradora da parcela P1 do Plan parcial Parque Montouto, asignándolle un uso dotacional de carácter global, e dar publicidade ao citado acordo mediante inserción de anuncio no taboleiro de edictos do concello, na web municipal, no BOP e no DOG, para xeral coñecemento.
Teo, 28 de abril de 2022
Rafael C. Sisto Edreira
Alcalde