En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia; e no artigo 33 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, e demais normas vixentes de aplicación, sométese a información pública a solicitude relacionada coas instalacións do proxecto do parque eólico Lamas de Feás.
Antecedentes:
• Pola Resolución do 17.9.2021, da Dirección Xeral de Planificación Enerxética e Recursos Naturais, declarouse a tramitación de urxencia dos procedementos administrativos correspondentes ao parque eólico Lamas de Feás (nº expediente IN661A 2011/05-3 AT), de acordo co establecido no artigo 44.2 da Lei 5/2017, do 19 de outubro, de fomento de implantación de iniciativas empresariais en Galicia, e no artigo 33 da Lei 39/2015, do 1 de outubro, do procedemento administrativo común das administracións públicas, o que supón a redución á metade dos prazos establecidos para o procedemento ordinario, salvo os relativos á presentación de solicitudes e recursos.
• Vista a sentenza número 18/2022 do Tribunal Superior de Xustiza de Galicia, e aínda que a mesma non adquiriu firmeza e está sendo obxecto de impugnación e discusión en vía de casación pola Xunta de Galicia, en base ao principio de seguridade xurídica e por un criterio de precaución, polo Acordo do 24.3.2022, da Xefatura Territorial de Ourense, sometéronse a información pública a solicitude de autorización administrativa previa, a declaración de utilidade pública, en concreto, coa necesidade de urxente ocupación, a autorización administrativa de construción, o proxecto de interese autonómico e o estudo de impacto ambiental do parque eólico Lamas de Feás, situado nos concellos de Baltar, Os Blancos e Calvos de Randín, na provincia de Ourense (DOG núm. 74, do 19.4.2022). Durante o trámite de información pública esta xefatura territorial recibiu alegacións relativas ao expediente de referencia.
• O 3.5.2022 ten entrada nesta xefatura territorial documentación actualizada relativa ao proxecto das instalacións de referencia.
Con motivo da nova documentación actualizada, e tendo en conta a dita sentenza número 18/2022 do Tribunal Superior de Xustiza de Galicia, sométese de novo a información pública, por un prazo de 30 días, a solicitude relacionada coas instalacións do parque eólico Lamas de Feás que se describen a seguir:
• Solicitante: Greenalia Wind Power Lamas, S.L.U.; CIF: B-70518832.
• Denominación do proxecto: parque eólico Lamas de Feás.
• Concellos afectados: Baltar, Os Blancos e Calvos de Randín (Ourense).
• Potencia que se vai instalar: 33 MW.
• Número de aeroxeradores: 7x5 MW de potencia nominal unitaria (o aeroxerador AE 01 está limitado a unha potencia de 3 MW).
• Produción neta anual estimada: 103.174 MWh/ano.
• Subestación: SET Lamas de Feás (subestación colectora).
• Prazo de execución: 12 meses.
• Orzamento total (execución material): 27.113.086,71 €.
• Localización: (coordenadas UTM, fuso 29 ETRS89).
Coordenadas que definen a poligonal do parque eólico:
|
Vértice |
UTM-X |
UTM-Y |
|
V01 |
599.655 |
4.647.395 |
|
V02 |
599.776 |
4.644.323 |
|
V03 |
597.235 |
4.644.256 |
|
V04 |
596.061 |
4.644.909 |
|
V05 |
594.368 |
4.644.689 |
|
V06 |
593.975 |
4.647.685 |
As coordenadas previstas no proxecto para os aeroxeradores e para a subestación (SET) son:
|
UTM-X |
UTM-Y |
|
|
AE 01 |
596.798 |
4.646.627 |
|
AE 02 |
597.043 |
4.646.106 |
|
AE 03 |
596.828 |
4.645.430 |
|
AE 04 |
598.427 |
4.646.456 |
|
AE 05 |
598.308 |
4.645.811 |
|
AE 06 |
598.277 |
4.645.108 |
|
AE 07 |
599.209 |
4.646.134 |
|
SET |
597.210 |
4.645.589 |
Características técnicas recollidas no proxecto:
– 7 aeroxeradores modelo SG-145 de 5 MW de potencia unitaria do fabricante Siemens-Gamesa, cunha altura de buxa de 127,5 m, diámetro de rotor de 145 m, cos seus correspondentes centros de transformación, situados na propia góndola dos aeroxeradores, con potencia unitaria de 6.000 kVA e relación de transformación de 30/0,720 kV. O aeroxerador AE 01 está limitado a unha potencia de 3 MW.
– Rede eléctrica soterrada a 30 kV, interconectada entre os centros de transformación dos aeroxeradores e a subestación receptora do parque eólico (SET), composta por catro circuítos con condutores tipo RHZ1-OL 18/30 kV de sección variable: o circuíto 1 para a interconexión do aeroxerador AE 01 e do aeroxerador AE 02 coa SET, o circuíto 2 para a interconexión do aeroxerador AE 03 coa SET, o circuíto 3 para a interconexión dos aeroxeradores AE O7, AE O4 e AE O5 coa SET, e o circuíto 4 para a interconexión do aeroxerador AE O6 coa SET.
– Centro de seccionamento e control do parque cos seguintes elementos: unha posición de medida, unha posición de protección xeral e catro posicións de liña para a conexión dos aeroxeradores. Todo iso co equipamento complementario para as funcións de control, mando e protección.
– Subestación PE Lamas de Feás 30/132kV está composta por:
• En 30 kV celas de interior en configuración de simple barra: unha posición de protección do transformador do parque eólico; unha posición de transformador, con transformador de SS.AA; unha posición de medida e dúas posicións de liña, unha de reserva (PE Lamas de Feás II) e outra para a conexión da liña do PE Lamas de Feás.
• Parque a nivel de 132 kV en intemperie con aparellaxe convencional e os seguintes elementos: embarrado, unha posición de liña máis unha de transformador, cos equipamentos necesarios de protección e medida; e un transformador de potencia de 50/60 MVA ONAN/ONAF e relación de transformación 132/30 kV, con regulación en carga Jansen +/- 10 %.
O obxecto da información pública será a autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o proxecto de interese autonómico e o estudo de impacto ambiental das instalacións do parque eólico. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución (visado o 14.12.2021).
2. A relación concreta e individualizada dos propietarios de bens e de dereitos afectados (RBDA-marzo 2022), que figura no anexo a este acordo.
3. O estudo de impacto ambiental (EIA) (asinado o 24.9.2021).
4. O proxecto de interese autonómico (visado o 14.12.2021).
O que se fai público, de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, para o coñecemento xeral e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
De acordo co artigo 51 da Lei 39/2015, do 1 de outubro, do procedemento administrativo común das administracións públicas, consérvase a validez de todas as alegacións xa presentadas que constan no expediente de referencia.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.
Toda a documentación poderá examinarse na Xefatura Territorial da Vicepresidencia Segunda e Consellería de Economía, Empresa e Innovación en Ourense, rúa Curros Enríquez, nº 1, 32003 Ourense, nos concellos afectados e na seguinte ligazón web da consellería:
https://ceei.xunta.gal/transparencia/informacion-publica/en-tramitacion/instalacions-de-xeracion
Ourense, 4 de maio de 2022
Pablo Fernández Vila
Xefe territorial de Ourense
