O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Dar publicidade ao convenio subscrito entre a Consellería de Medio Ambiente, Territorio e Vivenda, a Axencia de Protección da Legalidade Urbanística e o Colexio Oficial de Arquitectos de Galicia no marco do Proxecto Terra no primeiro cuadrimestre do ano 2022, que se incorpora como anexo a esta resolución.
Santiago de Compostela, 25 de maio de 2022
Jacobo Hortas García
Director da Axencia de Protección da Legalidade Urbanística
ANEXO
Convenio |
Obxeto do convenio |
Achega económica APLU |
Data da sinatura |
Convenio de colaboración entre a Consellería de Medio Ambiente, Territorio e Vivenda, a Axencia de Protección da Legalidade Urbanística e o Colexio Oficial de Arquitectos de Galicia no marco do Proxecto Terra |
Actividades de sensibilización, concienciación, formación e divulgación sobre os espazos e lugares que habitamos, a paisaxe e o dereito ao hábitat, sinaladamente mediante asistencia científica e técnica e intercambio de experiencias con fins de formación e información, coa finalidade de formar, difundir e ampliar os coñecementos da cidadanía en xeral, e dos técnicos e entidades competentes en temas relacionados coa ordenación, planificación e intervencións das actividades humanas sobre o territorio e a súa repercusión na conformación das paisaxes do presente e do futuro. |
180.000,00 |
28.2.2022 |