En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta dirección xeral se acordou depositar o acordo de modificación dos estatutos de Médicos de Galicia Independientes (Omega), en que se modifica, entre outros artigos, a denominación, que agora pasa a ser Facultativos de Galicia Independientes (O´Mega).
(https://expinterweb.mites.gob.es/deose/publico/copiaEstatutos)
– Ámbito territorial: Comunidade Autónoma de Galicia.
– Ámbito profesional: poderán afiliarse os sindicatos e asociacións profesionais de ámbito local, provincial ou autonómico de Galicia que estean constituídos na súa afiliación por facultativos sanitarios e/ou titulados superiores con vinculación na sanidade autonómica pública ou privada. Nas áreas sanitarias onde non exista unha organización sindical federada poderán afiliarse, a título persoal, os facultativos sanitarios e/ou titulados superiores con vinculación na sanidade autonómica pública ou privada que o soliciten.
– Asinante: Manuel Rodríguez Piñeiro e José Víctor Crespo Comesaña.
Santiago de Compostela, 19 de maio de 2022
Elena Mancha Montero de Espinosa
Directora xeral de Relacións Laborais