Mediante Acordo do Pleno do Concello, do 27 de abril de 2022, aprobouse inicialmente o proxecto de expropiación, polo procedemento de taxación conxunta, nos termos da documentación técnica redactada e asinada por Isidro López Yáñez, arquitecto, e Beatriz Blanco Lois, enxeñeira técnica agrícola, para a adquisición de parte da parcela con referencia catastral 15090E50100139, incluída no sistema xeral SXP-3 adscrito ao SUD-1 e SUD-2 do vixente PXOM.
A finalidade é a de executar un ámbito de espazo público como parque infantil e de lecer para toda a veciñanza na parroquia de San Xián de Sales (Vedra).
De conformidade cos artigos 118 da Lei 2/2016, do 10 de febreiro, do solo de Galicia, e 201 e seguintes do Regulamento de xestión urbanística, aprobado polo Real decreto 3288/1978, do 25 de agosto, sométese a información pública polo prazo dun mes, contados desde o día seguinte ao da publicación do presente anuncio do Diario Oficial de Galicia. Publicarase tamén nun dos xornais da provincia da Coruña.
Durante o mencionado prazo poderá ser examinado por calquera interesada/o nas dependencias municipais para que formulen as alegacións que xulguen pertinentes. Así mesmo, estará á disposición dos interesados na sede electrónica do concello (https://sede.vedra.es).
O presente anuncio servirá de notificación aos interesados, no caso de que non se poida efectuar a notificación persoal no trámite de audiencia.
O acordo de aprobación definitiva do expediente de taxación conxunta levará implícita a declaración de urxente ocupación dos bens e dereitos afectados.
Vedra, 2 de xuño de 2022
Carlos Martínez Carrillo
Alcalde