Como complemento dos acordos plenarios do 30.12.2020, 27.5.2021 e 30.12.2021 (publicados no DOG nº 32, do 16.2.2022), o Pleno da Corporación, en sesión do 26.5.2022, adoptou o seguinte acordo:
Primeiro. De conformidade co informe do Servizo Municipal de Arquitectura do 19.4.2022 no cal pon de manifesto a emenda das deficiencias sinaladas polo Servizo de Urbanismo (Xefatura Territorial de Lugo) da Consellería de Medio Ambiente, Territorio e Vivenda, aprobar, en cumprimento do establecido na disposición transitoria primeira das normas técnicas de planeamento urbanístico de Galicia, aprobadas pola Orde da Consellería de Medio Ambiente, Territorio e Vivenda, do 10 de outubro de 2019 (DOG nº 224, do 25 de novembro), a adaptación a elas do estudo de detalle de agregación das parcelas 13-14 do quinteiro 1206 (praza Maior, nº 4 e 5) do Plan especial de protección, rehabilitación e reforma interior do recinto amurallado de Lugo e a súa zona de influencia (PEPRI), formulado pola mercantil Ninpe 2012, S.L., representada por Juan Carlos Penín Villar, e redactado polo arquitecto Gerardo García-Boente Carro, aprobado definitivamente polo Acordo Plenario do 30.12.2020.
Segundo. Proceder á publicación deste acordo no DOG, no prazo dun mes desde a súa adopción. Xunto coa publicación deste acordo publicarase a referencia ao enderezo electrónico no que figurará o contido íntegro deste estudo de detalle a disposición do público (artigo 82.2 da LSG).
Terceiro. Unha vez publicado o anuncio no DOG, ao cal fai referencia o anterior acordo, proceder á remisión dun exemplar deste estudo de detalle en soporte dixital, debidamente dilixenciado, á Consellería de Medio Ambiente, Territorio e Vivenda (CMATV) para a súa inscrición no Rexistro de Planeamento Urbanístico de Galicia. Esta inscrición é requisito de eficacia do acordo de aprobación definitiva (artigo 88 da LSG). Posteriormente, procederase á publicación do anuncio no BOP, conforme ao establecido nos artigos 82.3 e 88.4 da LSG.
Cuarto. Notificarlles este acordo aos interesados e indicarlles que contra el poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia (artigo 10 da Lei 29/1998, do 13 de xullo) nun prazo de dous meses, contado a partir do día seguinte ao da notificación deste acto, o cal pon fin á vía administrativa (artigo 46 da Lei 29/1998, do 13 de xullo), sen prexuízo de que poidan interpoñer calquera outro recurso ou reclamación que consideren conveniente ao seu dereito.
O contido íntegro do documento aprobado poderá consultarse na seguinte ligazón:
http://concellodelugo.gal/gl/actuacions/normativa-urbanistica
Lugo, 8 de xuño de 2022
A alcaldesa
P.D. (Decreto 2973/2021)
Álvaro Santos Ramos
Tenente de alcaldesa delegado da Área de Sostibilidade Urbana