En cumprimento do establecido no artigo 97 da Lei 7/1985, do 2 de abril, reguladora das bases do réxime local, no artigo 205.4 da Lei 2/2015, do 29 de abril, do empregado público de Galicia, e no artigo 6 do Real decreto 896/1991, do 7 de xuño, polo que se establecen as regras básicas e programas mínimos aos cales debe axustarse o procedemento de selección dos funcionarios da Administración local, faise público que, polo Decreto 375/2022, do 1 de xuño, se convocou o procedemento de selección, mediante o sistema de oposición, para a cobertura da seguinte praza:
Denominación: técnico/a de Administración xeral.
Número: 1.
Escala: Administración xeral.
Subescala: técnica.
Grupo: A.
Subgrupo: A1.
Clase: reservado a persoal funcionario.
Boletín de publicación das bases: Boletín Oficial da provincia da Coruña número 108, do 8 de xuño de 2022.
Contra este acordo, que pon fin á vía administrativa, poderase interpoñer, potestativamente, recurso de reposición ante o alcalde do Concello de Padrón, no prazo dun mes contado desde o día da publicación do presente anuncio no Diario Oficial de Galicia, ou ben, directamente, recurso contencioso-administrativo ante o xulgado do contencioso-administrativo no prazo de dous meses contados desde a mesma data, sen prexuízo de que se poida interpoñer calquera outro recurso que se considere pertinente.
Padrón, 10 de xuño de 2022
Antonio Fernández Angueira
Alcalde