Asunto: aprobación definitiva do Plan especial infraestruturas e dotacións tanatorio Golpe.
Expediente: 2018/X999/000079.
O Pleno do Concello de Abegondo, na sesión ordinaria que tivo lugar o 30 de maio de 2022, aprobou definitivamente o Plan de infraestruturas e dotacións tanatorio Golpe.
O que se fai público para o seu xeral coñecemento en cumprimento dos artigos 82 e 88 da Lei 2/2016, do 10 de febreiro, do solo de Galicia, e nos artigos 199 a 208 do Regulamento da Lei 2/2016, do 10 de febreiro, do solo de Galicia, aprobado por Decreto 143/2016, do 22 de setembro.
O enderezo electrónico na que figura o contido íntegro deste plan especial está á disposición de calquera interesado en https://sede.abegondo.gal
Contra o acordo de aprobación definitiva do citado plan especial, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia con sede na Coruña no prazo de dous meses, contados a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Abegondo, 6 de xuño de 2022
José Antonio Santiso Miramontes
Alcalde presidente