Aprobación definitiva do Plan de sectorización do SUND-4. Parque empresarial de Vedra.
Por acordo do Pleno da Corporación, adoptado na sesión ordinaria do 23.22022, aprobouse definitivamente o Plan de sectorización do SUND-4. Parque empresarial de Vedra, nos termos do expediente tramitado e da documentación técnica do expediente, asinada por Benito Fernández González e Gilberto Rodríguez Rodríguez en calidade de enxeñeiros de camiños, canles e portos, en xaneiro de 2022.
O que se fai público para os efectos do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, en relación coa disposición transitoria segunda da Lei 2/2016, do 10 de decembro, do solo de Galicia. Xunto coa publicación deste anuncio publicase a indicación das medidas adoptadas para o seguimento dos efectos no ambiente da aplicación do plan que constan na memoria do plan.
En cumprimento do disposto no artigo 88 da Lei 2/2016, do 10 de febreiro, do solo de Galicia, remitirase ao órgano autonómico competente para a súa inscrición do Rexistro de Planeamento de Galicia. As ordenanzas publicaranse no Boletín Oficial da provincia da Coruña e o contido do plan quedará á disposición do público na web do Concello: https://www.concellodevedra.es/
As indicacións das medidas para o seguimento dos efectos no ambiente de aplicación do plan son as sinaladas no punto 8, Plan de seguimento do ISA, integrado na documentación do Plan de sectorización:
Plan de seguimento.
Introdución e formulación.
O documento de referencia, de acordo coa normativa aplicable (Lei 9/2006) e en relación con este aspecto do ISA, considera preciso establecer un plan de seguimento que permita coñecer a evolución das variables de sustentabilidade para, por unha parte, controlar os efectos producidos sobre esas variables e, por outro, comprobar o cumprimento dos obxectivos que para cada variable propón o plan.
Engade que o plan de seguimento da sustentabilidade contará cun sistema de indicadores da evolución das variables enumeradas no punto 4 do documento de referencia e establecerá, na medida do posible, valores de referencia para os indicadores que permitan determinar a necesidade de aplicar as medidas e mecanismos previstos para corrixir os efectos negativos producidos e identificar con prontitude outros efectos adversos non previstos, ou ben para reconducir o plan no caso de que non se estea no camiño de acadar os obxectivos previstos, o que implicará a súa modificación ou revisión.
A este respecto, a memoria ambiental sinala a conveniencia de incluír algúns indicadores adicionais para as variables: patrimonio cultural, atmosfera, ciclo de materiais, patrimonio natural e ciclo hídrico e mobilidade. Estes indicadores inclúense no punto seguinte:
Indicadores ambientais.
Os indicadores deberán funcionar como ferramentas de medición da evolución do plan, tendo en conta os desenvolvementos limítrofes e o seu encadre, de cara ao cumprimento dos obxectivos da proposta e os específicos para cada variable de sustentabilidade. Os indicadores deben cumprir cunha serie de características básicas:
– Deben estar relacionados cos obxectivos de maneira que presenten a evolución da aplicación do plan respecto das intencións declaradas.
– Deben ser facilmente medibles e analizables en series temporais.
– Deben reflectir a evolución temporal de forma que poidan analizarse para prever ou corrixir tendencias negativas.
– O seu número debe ser reducido co obxectivo de seren facilmente comprensibles por todos os axentes implicados.
– Deben estar dispoñibles facilmente e non precisar de múltiples fontes de información para a súa obtención.
Inclúese a proposta inicial de indicadores para cada un dos factores ambientais que servirán para identificar e valorar os efectos adversos do plan inicialmente non previstos.
|
Factor ambiental |
Indicador |
Criterio de medición |
Valor de referencia |
Periodicidade de revisión |
|
Paisaxe |
Integración visual |
Superficie do territorio desde a que é visible a actuación |
Resultados do estudo da paisaxe (ISA) |
Revisión en fase de deseño |
|
Grao de aliñación das edificacións co relevo |
||||
|
Natureza |
Naturalidade zonas verdes |
Proporción especies autóctonas/alóctonas |
Indicacións do proxecto de restauración do proxecto de urbanización |
Revisar en fase de deseño/supervisión mensual en execución |
|
Rexeneracion sistema fluvial |
Superficie recuperada respecto da total |
|||
|
Solo |
Ocupación do ámbito |
Nº/ % parcelas ocupadas |
Proxecto urbanización e ordenanzas |
Anual en explotación |
|
Variación respecto ano anterior |
||||
|
Medio industrial |
Distribución actividades por tipoloxías I |
Nº/ % instalacións industriais/comerciais/servizos |
Proxecto urbanización e ordenanzas |
Anual en explotación |
|
Variación respecto ano anterior |
||||
|
Distribución actividades por tipoloxías II |
Nº/ % instalacións adscritas á categoría I d. 133/2008 |
|||
|
Variación respecto ano anterior |
||||
|
Nº/ % instalacións adscritas á categoría II d. 133/2008 |
||||
|
Variación respecto ano anterior |
||||
|
Nº/ % instalacións adscritas á categoría III d. 133/2008 |
||||
|
Variación respecto ano anterior |
||||
|
Distribución actividades por tipoloxías III |
Nº/ % instalacións dotadas de A.A.I. |
|||
|
Variación respecto ano anterior |
||||
|
Distribución actividades por tipoloxías IV |
Nº/ % instalacións dotadas de edar propia |
|||
|
Variación respecto ano anterior |
||||
|
Nº/ % instalacións conectadas á rede de saneamento |
||||
|
Variación respecto ano anterior |
||||
|
Sociedade |
Conciliación |
% Cobertura elementos destinados a conciliar vida familiar-laboral respecto nº de traballadores |
Será definido polo Concello de Vedra |
Anual en explotación |
|
Variación respecto ano anterior |
||||
|
Economía |
Emprego |
% Empregos directos creados respecto aos previstos |
||
|
Variación respecto ano anterior |
||||
|
% Empregos indirectos creados respecto aos previstos |
||||
|
Variación respecto ano anterior |
||||
|
Enerxía |
Consumo eléctrico |
TEP/ano |
|
Anual en explotación |
|
Variación respecto ano anterior |
||||
|
Consumo combustibles |
TEP/ano |
|||
|
Variación respecto ano anterior |
||||
|
Edificios con certificación enerxética |
Número e % sobre o total |
|||
|
Variación respecto ano anterior |
||||
|
Fontes renovables |
% Enerxía consumida con orixe en fontes renovables |
|||
|
Variación respecto ano anterior |
||||
|
Atmosfera |
Emisións atmosféricas asociadas a ciclos produtivos |
Emisión (ton/ano) CO2 |
Será definido polo Concello no proxecto de urbanización e ordenanzas, en función dos datos do primeiro ano de explotación |
Anual en explotación |
|
Variación respecto ano anterior |
||||
|
Emisión (ton/ano) partículas |
||||
|
Variación respecto ano anterior |
||||
|
Emisión (ton/ano) CO2 |
||||
|
Variación respecto ano anterior |
||||
|
Emisión (ton/ano) compostos orgánicos volátiles |
||||
|
Variación respecto ano anterior |
||||
|
Emisión (ton/ano) SO2 |
||||
|
Variación respecto ano anterior |
||||
|
Emisión (ton/ano) NOx |
||||
|
Variación respecto ano anterior |
||||
|
Edificacións con calefacción de gasóleo |
Emisión (ton/ano) CO2 = consumo gj/hab-equiv./Ano*factor emisión gj/g |
|||
|
Variación respecto ano anterior |
||||
|
Edificacións con calefacción de gas |
Emisión (ton/ano) CO2 = consumo gj/hab-equiv/año*factor emisión gj/g |
|||
|
Variación respecto ano anterior |
||||
|
Xeración de tráficos |
Incremento IMD en vías de acceso instalacións |
|||
|
Variación respecto ano anterior |
||||
|
Medio hídrico |
Rede de saneamento separadora |
% Sobre o total |
100 % da rede separadora de pluviais e residuais |
Comprobación durante a fase de obra (periodicidade que se definirá no proxecto de urbanización) e anual durante a fase de explotación |
|
Variación respecto ano anterior |
||||
|
Conexión sistema xeral de saneamento |
% De instalacións conectadas á rede |
100 % das instalacións conectadas á rede |
||
|
Variación respecto ano anterior |
||||
|
Aforro do recurso |
% Instalacións dotadas dispositivos de aforro |
Será definido polo Concello no proxecto de urbanización e ordenanzas, en función dos datos do primeiro ano de explotación |
Anual en explotación |
|
|
Variación respecto ano anterior |
||||
|
Ciclos de materiais |
Xeración de residuos |
Volume de RSU xerados |
Será definido polo Concello no proxecto de urbanización e ordenanzas, en función dos datos do primeiro ano de explotación |
Anual en explotación |
|
Variación respecto ano anterior |
||||
|
Volume de residuos inertes xerados |
||||
|
Variación respecto ano anterior |
||||
|
Volume doutros residuos xerados |
||||
|
Variación respecto ano anterior |
||||
|
Reciclaxe |
% De RSU reciclados |
|||
|
Variación respecto ano anterior |
||||
|
% De residuos inertes reciclados |
||||
|
Variación respecto ano anterior |
||||
|
% Doutros residuos reciclados |
||||
|
Variación respecto ano anterior |
Os valores de referencia serán definidos, en cada caso, no estudo de impacto sobre a paisaxe (anexo no presente ISA), no proxecto de restauración que se incluirá no proxecto de urbanización, no propio proxecto de urbanización e nas ordenanzas reguladoras ou, en último termo, serán definidos polo Concello de Vedra como parte do seu sistema de xestión ambiental no desenvolvemento e aplicación da Axenda 21, ao estar integrado na Rede galega de concellos pola sostibilidade. Ademais dos indicadores anteriores, inclúense no presente ISA novembro 2019, os indicadores adicionais que sinala a memoria ambiental no seu punto 6, Medidas de seguimento ambiental, que son:
|
Factor ambiental |
Indicador |
Criterio de medición |
Valor de referencia |
Periodicidade de revisión |
||
|
Patrimonio cultural |
Seguimento arqueolóxico |
Inexistencia de afección ao patrimonio cultural |
Non afección aos elementos do patrimonio arqueolóxico identificados no ámbito nin outros elementos que poidan existir non identificados inicialmente |
Control arqueolóxico descontinuo durante as fases de reformulación, de execución da obra e de restitución de terreos e control arqueolóxico continuo para as obras que se executen no ámbito de protección dos elementos patrimoniais identificados. Definirase exactamente no proxecto de control e seguimento arqueolóxico, que deberá ser autorizado pola DXPC |
||
|
Adopción de medidas axeitadas |
||||||
|
Atmosfera |
Ruído |
Cumprimento dos obxectivos de calidade acústica do Real decreto 1367/2007 |
Límites sinalados no Real decreto 1367/2007. Para iso será necesario realizar medicións de ruído en fase de obra e explotación |
Definirase no proxecto de urbanización para o seu control durante a obra e posteriormente revisión anual durante a explotación |
||
|
Contaminación lumínica |
% De luminarias que sexan eficientes enerxeticamente |
100 % de luminarias con tecnoloxía LED en iluminación pública. Deberase recoller no proxecto de urbanización |
Anual en explotación |
|||
|
Variación respecto ano anterior |
||||||
|
Ciclo de materiais |
Xestión de terras e RCD fase obras |
% De reutilización do vol. Terras sobrantes |
Será definido no proxecto de urbanización (Plan de xestión de residuos). En calquera caso, deberá cumprir o sinalado na Orde APM/1007/2017, do 10 de outubro, sobre normas xerais de valorización de materiais naturais escavados para a súa utilización en operacións de recheo e obras distintas a aquelas en que se xeraron |
Será definido no proxecto de urbanización pero mínimo periodicidade mensual durante a fase de movemento de terras nas obras |
||
|
% Xestión de RCD |
Correcta xestión de todos os RCD que se xeren (100 %), conforme a lexislación vixente e o Plan de xestión de residuos do proxecto |
Será definido no proxecto de urbanización |
||||
|
Ciclo hídrico |
Xestión das augas residuais e pluviais |
% Técnicas de drenaxe urbana sustentable |
100 % da drenaxe urbana sustentable |
Será definido no proxecto de urbanización para a súa revisión durante a obra e posteriormente revisión anual durante a explotación |
||
|
Protección rede fluvial |
% De especies caducifolias asociadas á rede fluvial que se deben conservar (Rego de Buxeiros) |
Preservar o 100 % da vexetación de ribeira asociada ao Rego de Buxeiros |
Será definido no proxecto de urbanización para a súa revisión durante a obra e posteriormente revisión anual durante a explotación |
|||
|
Patrimonio natural |
Calidade das augas do afluente do rego de Buxeiros I |
Parámetros de referencia segundo a lexislación de aplicación. Será definido no plan de vixilancia ambiental e/ou na preceptiva autorización de vertedura da fase de funcionamento |
Calidade inicial das augas segundo campaña de mostraxe inicial |
Será definido no proxecto de urbanización para a súa revisión durante a obra e posteriormente revisión anual durante a explotación |
||
|
Ocupación do solo |
Adecuación da superficie das zonas interface urbano-forestal da zona de influencia |
% Adecuación da superficie das zonas interface urbano-forestal da zona de influencia forestal |
100 % da superficie das zonas interface e a súa adecuación prevista no proxecto de urbanización |
Será definido no proxecto de urbanización para a súa revisión durante a obra e posteriormente revisión anual durante a explotación |
||
|
Mobilidade |
Preservación da «ruta cicloturística polo Val do Ulla» |
Preservación da ruta cicloturística que atravesa o sector |
Adoptar medidas de preservación da ruta cicloturística |
Será definido no proxecto de urbanización para a súa revisión durante a obra e posteriormente revisión anual durante a explotación |
||
O obxectivo da emisión de informes é valorar a eficacia das accións realizadas para cada unha das variables que se verán afectadas e poder tomar as decisións que procedan.
Os indicadores rexistraranse nunha serie de fichas modelo e informes cunha frecuencia que dependerá das distintas fases de desenvolvemento.
Os contidos e a periodicidade dos informes ambientais definiranse no Plan de vixilancia ambiental elaborado para cada fase do proxecto. Inicialmente consideraranse os seguintes:
Fase de obra.
Informe inicial: verificación da idoneidade ambiental do proxecto, definición da situación preoperacional do ámbito de actuación e o seu contorno e actualización do Plan de vixilancia ambiental para a fase de obra.
Informe de seguimento ambiental: control da evolución ambiental da obra, seguimento de indicadores e seguimento da edificación das medidas ambientais aplicadas. Inicialmente considerarase periodicidade trimestral, ben que en función do indicador e do resultado que se vaia obtendo, ou por causas imprevistas, se poderá aumentar a periodicidade ou emitir un informe específico. En calquera caso, queda supeditada ás posibles indicacións do órgano ambiental.
Informe final de seguimento ambiental: compendio da evolución ambiental da obra e establecemento da situación final do ámbito e do seu entorno, antes do inicio da actividade.
Fase de funcionamento.
Actualización do Plan de vixilancia ambiental para a fase de funcionamento.
Informe de seguimento ambiental: seguimento de indicadores e seguimento da eficacia das medidas ambientais aplicadas.
Inicialmente considérase periodicidade anual, conforme se recolle nas táboas de indicadores, ben que a súa periodicidade se poderá axustar en función do indicador e do resultado que se vaia obtendo, ou por causas imprevistas, caso en que se poderá aumentar a periodicidade ou emitir un informe específico. En calquera caso, queda supeditada ás posibles indicacións do órgano ambiental.
Final da vida útil.
Actualización do Plan de vixilancia ambiental para a fase de abandono.
Informe final. Compendio de adopción das medidas de seguridade ambiental das instalacións e/ou demolición e establecemento da situación final do ámbito e do seu contorno.
Os informes serán remitidos ao órgano ambiental e neles indicaranse a evolución ou tendencia dos resultados e a adecuación de cada indicador, intentando con iso detectar as tendencias negativas destes.
Contra o acordo de aprobación definitiva, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e tendo en conta que se aproba unha disposición de carácter xeral, poderá interpoñerse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da recepción da notificación, de conformidade co artigo 46 da Lei 29/1988, do 13 de xullo, da xurisdición contencioso-administrativa. Todo isto sen prexuízo de que se poida interpoñer calquera outro recurso que se considere máis procedente e sexa conforme dereito.
Vedra, 9 de xuño de 2022
Carlos Martínez Carrillo
Alcalde presidente
