De acordo coa base cuarta da Resolución reitoral do 2 de decembro de 2021 (DOG do 21 de decembro) mediante a que se convocou un proceso selectivo para ingresar como persoal laboral fixo do grupo I na categoría de técnico/a superior de biotecnoloxía polo sistema de acceso libre, esta reitoría, en uso das competencias atribuídas pola Lei orgánica 6/2001, do 21 de decembro, de universidades, e polos estatutos da Universidade de Vigo,
RESOLVE:
Primeiro. Aprobar a relación provisional de persoas aspirantes admitidas e excluídas no devandito proceso de selección, e ordenar a súa publicación no taboleiro electrónico da Universidade de Vigo (https://sede.uvigo.gal/public/bulletin/bulletin-index.xhtml) e no seguinte enderezo: https://www.uvigo.gal/universidade/administracion-persoal/pas/traballar-uvigo
Segundo. Consonte a base cuarta da convocatoria, as persoas aspirantes excluídas ou que non figuren na relación de admitidas disporán dun prazo de dez días hábiles, contados a partir do seguinte ao da publicación desta resolución no DOG, para poderen emendar o defecto que motivou a exclusión ou a omisión. Quen dentro do prazo sinalado non emende a exclusión ou alegue a omisión, xustificando o dereito a ser incluído/a na relación de persoas admitidas, será definitivamente excluído/a do proceso selectivo.
Terceiro. Publicar a composición do tribunal cualificador, que terá a categoría primeira das recollidas no Decreto 144/2001, do 7 de xuño (DOG do 25 de xuño).
• Tribunal titular:
Presidencia: Javier Rodeiro Iglesias, profesor contratado doutor da Universidade de Vigo.
Vogais:
– Herminia Domínguez González, catedrática de universidade da Universidade de Vigo.
– Gil Garrote Velasco, catedrático de universidade da Universidade de Vigo.
– María Jesús Iglesias Briones, catedrática de universidade da Universidade de Vigo.
Secretaría: Jorge Millos Alfeirán, técnico superior de análise instrumental da Universidade de Vigo.
• Tribunal suplente:
Presidencia: José Benito Rodríguez González, técnico superior de microscopia electrónica da Universidade de Vigo.
Vogais:
– Sidonia Martínez Suárez, profesora titular de universidade da Universidade de Vigo.
– Florentino Fernández Riverola, catedrático de universidade da Universidade de Vigo.
– María del Carmen García Meijide, técnica superior de análise instrumental da Universidade de Vigo.
Secretaría: Cristina López Macías, técnica superior de I+D da Universidade de Vigo.
Vigo, 6 de xullo de 2022
Manuel Joaquín Reigosa Roger
Reitor da Universidade de Vigo