No Xulgado do Contencioso-Administrativo número 1 de Lugo, tramítase o recurso 178/2022 P (procedemento abreviado), interposto por Iván Guimarey Gómez fronte á desestimación presunta do recurso de reposición do 12 de maio de 2021, interposto contra a Resolución do 20 de abril de 2021, da Dirección Xeral de Recursos Humanos, pola que se publican a orde de prelación e a puntuación definitiva obtida polas persoas aspirantes admitidas no proceso de actualización das listas de selección temporal de diversas categorías de persoal estatutario (DOG núm. 79, do 28 de abril) (categoría: grupo auxiliar da función administrativa).
O recorrente non está de acordo coa puntuación acadada na epígrafe «outras actividades».
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de xullo de 2022
Ana Mª Comesaña Álvarez
Directora xeral de Recursos Humanos