No Boletín Oficial da provincia de Ourense número 160, do 14 de xullo de 2022, publicáronse as bases para a cobertura dunha praza de axente de emprego e desenvolvemento local (AEDL), consolidación de emprego temporal da oferta pública de emprego (OPE) 2021, polo sistema de concurso-oposición libre.

Mediante Acordo da Xunta de Goberno Local, do 6 de xullo de 2022, convocouse o proceso selectivo para a cobertura da seguinte praza da OPE de consolidación de emprego do Concello de Castrelo do Val para 2021, que a seguir se sinala:

Persoal laboral fixo:

Grupo: A2.

Escala: Administración especial.

Subescala: técnica.

Vacantes: unha (1).

Denominación: axente de emprego e desenvolvemento local.

Sistema de acceso: concurso-oposición.

O prazo de presentación de instancias será de vinte (20) días hábiles, contados a partir do día seguinte ao da publicación do anuncio da convocatoria no Boletín Oficial del Estado (BOE), e os sucesivos anuncios referentes a esta convocatoria, cando procedan de conformidade coas bases, faranse públicos nos termos establecidos nas propias bases.

Castrelo do Val, 14 de xullo de 2022

Vicente Gómez García
Alcalde