Mediante a Orde do 20 de novembro de 2019 deuse publicidade ás titulacións que permiten a incorporación ás listas de aspirantes a desempeñar postos docentes en réxime de interinidades e substitucións dos corpos de mestres, de profesores de ensino secundario, de profesores técnicos de formación profesional e de profesores de escolas oficiais de idiomas que imparten as ensinanzas reguladas na Lei orgánica 2/2006, do 3 de maio, de educación, en centros docentes desta consellería (DOG núm. 235, do 11 de decembro). No anexo I desta orde establécense as titulacións exixidas para impartir docencia nas distintas especialidades do corpo de mestres, entre as que se inclúe a de Educación Física (597034) e, no seu anexo II, as do corpo de profesores de ensino secundario, entre as que tamén se inclúe a dita especialidade (590017).
A Sala do Contencioso-Administrativo, Sección Primeira, do Tribunal Superior de Xustiza de Galicia ditou sentenza, que é firme, no PO 276/2020, pola que se anulan os anexos I e II da dita orde, no que se refire á respectiva especialidade de Educación Física, e se ordena a exclusión das titulacións de Ciencias da Danza, Xestión Deportiva e Medicina con diploma de especialista en Medicina Deportiva de entre as que permiten a incorporación ás listas desta especialidade.
En execución desta sentenza, a Consellería de Cultura, Educación, Formación Profesional e Universidades
ACORDA:
Primeiro. Modificar o anexo I da Orde do 20 de novembro de 2019 (DOG núm. 235, do 11 de decembro) pola que se dá publicidade ás titulacións que permiten a incorporación ás listas de aspirantes a desempeñar postos docentes en réxime de interinidades e substitucións dos corpos de mestres, de profesores de ensino secundario, de profesores técnicos de formación profesional e de profesores de escolas oficiais de idiomas que imparten as ensinanzas reguladas na Lei orgánica 2/2006, do 3 de maio, de educación, en centros docentes desta consellería, no que se refire á especialidade 597034: Educación Física, que queda redactado como segue:
|
597034-Educación Física |
Mestre: |
Mestre/a especialista de Educación Física (RD 1440/1991) |
|
Grao que inclúa unha mención en Educación Física: |
Educación Primaria |
|
|
Maxisterio en Educación Primaria |
||
|
Mestre de Educación Primaria |
||
|
Mestre Educación Primaria |
||
|
Mestre en Educación Primaria |
||
|
Mestre ou graduado en Educación Primaria e ademais: |
Diplomatura en Educación Física |
|
|
Licenciatura en Ciencias da Actividade Física e do Deporte |
||
|
Mestre ou graduado en Educación Primaria e ademais grao en: |
Ciencias da Actividade Física e do Deporte |
|
|
Ciencias do Deporte |
Segundo. Modificar o anexo II da citada Orde do 20 de novembro de 2019 (DOG núm. 235, do 11 de decembro), no que se refire á especialidade 590017: Educación Física, que queda redactado como segue:
|
590017-Educación Física |
Licenciatura: |
Ciencias da Actividade Física e do Deporte |
|
Grao en: |
Ciencias da Actividade Física e do Deporte |
|
|
Ciencias do Deporte |
Terceiro. A Dirección Xeral de Centros e Recursos Humanos adoptará todas as medidas que sexan precisas para o desenvolvemento desta orde.
Disposición derradeira. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 19 de agosto de 2022
Román Rodríguez González
Conselleiro de Cultura, Educación, Formación Profesional e Universidades
