O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único.
Dar publicidade á relación dos convenios subscritos polo Instituto de Estudos do Territorio no segundo cuadrimestre do ano 2022, que se incorpora como anexo a esta resolución.
Santiago de Compostela, 14 de setembro de 2022
Enrique Luis de Salvador Sánchez
Director do Instituto de Estudos do Territorio
ANEXO
Convenio |
Obxecto do convenio |
Achega económica do IET |
Data da sinatura |
Convenio de colaboración entre o Instituto de Estudos do Territorio, Augas de Galicia e a Asociación para a Defensa Ecolóxica de Galicia (Adega) para o desenvolvemento dun programa de educación para a sustentabilidade dos ríos (Proxecto Ríos). |
Establecer as condicións que rexerán a participación e colaboración entre os asinantes para desenvolver as actividades e actuacións planificadas para o ano 2022 no marco do Proxecto Ríos, programa de voluntariado e educación para a sustentabilidade que pretende dar resposta á problemática da contaminación e deterioración dos ecosistemas fluviais. |
Sen achega económica |
10.6.2022 |
Acordo de colaboración entre a Axencia Galega de Innovación e o Instituto de Estudos do Territorio para a contratación da fase de despregamento dun xestor de conxunto de datos xeoorreferenciados obtidos por medio de UAV (expediente: Civil UAVs Initiative 2021-2025: despregamento datos xeorreferenciados, Tierra-1). |
Articular a colaboración entre a Axencia Galega de Innovación e o Instituto de Estudos do Territorio para a contratación da fase de despregamento da solución xestor de conxunto de datos xeorreferenciados obtidos por medio de UAV (expediente: Civil UAVs Initiative Fase II (RFP-B): datos xeorreferenciados, Tierra-1). |
40.000 € |
1.7.2022 |
Acordo de colaboración entre a Axencia Galega de Innovación e o Instituto de Estudos do Territorio para a contratación da fase de despregamento da adquisición, mantemento e automatización de bases topográficas e cartográficas mediante medios aéreos non tripulados (expediente: Bases topográficas e cartográficas, Tierra-2). |
Articular a colaboración entre a Axencia Galega de Innovación e o Instituto de Estudos do Territorio para a contratación da fase de despregamento da solución para a adquisición, mantemento e automatización de bases topográficas e cartográficas (expediente: Civil UAVs Initiative Fase II (RFP-B): bases topográficas e cartográficas, Tierra-2). |
40.000 € |
1.7.2022 |
Acordo de colaboración entre a Axencia Galega de Innovación e o Instituto de Estudos do Territorio para a contratación da fase de despregamento do seguimento das dinámicas de ocupación do solo e axuda á planificación territorial mediante o uso de vehículos aéreos non tripulados (expediente: Civil UAVs Initiative 2021-2025: ocupación do solo e planificación territorial, Tierra-3). |
Articular a colaboración entre a Axencia Galega de Innovación e o Instituto de Estudos do Territorio para a contratación da fase de despregamento da solución da contratación de seguimento das dinámicas de ocupación do solo e axuda á planificación territorial mediante o uso de vehículos aéreos non tripulados (expediente: Civil UAVs Initiative Fase II (RFP-B): ocupación do solo e planificación territorial, Tierra-3). |
40.000 € |
1.7.2022 |