En sesión que tivo lugar o 29 de setembro de 2022, o tribunal nomeado mediante a Resolución do 30 de setembro de 2020 (DOG número 201, do 5 de outubro), para cualificar o proceso selectivo extraordinario de consolidación para o ingreso na categoría 020 do grupo II, terapeuta ocupacional, do persoal laboral fixo da Xunta de Galicia, convocado pola Orde do 4 de novembro de 2019 (DOG número 213, do 8 de novembro),
ACORDOU:
Primeiro. Facer pública, como anexo a esta resolución, a relación de aspirantes que superaron o proceso selectivo, por orde das puntuacións obtidas e con indicación do seu documento nacional de identidade.
De conformidade coa base IV.2 da convocatoria, as persoas aspirantes disporán dun prazo de vinte (20) días hábiles, contados a partir do día seguinte ao da publicación no DOG desta resolución, para presentar a documentación prevista na citada base.
Segundo. Elevarlle esta relación ao titular da Dirección Xeral da Función Pública para os efectos de que as persoas que figuran nela sexan propostas para o seu nomeamento como persoal laboral fixo.
Terceiro. De conformidade co disposto na base III.13 da orde da convocatoria, contra este acordo poderase interpoñer recurso de alzada ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 30 de setembro de 2022
Felipe García Calvo
Presidente do tribunal
ANEXO
Relación de aspirantes que superaron o proceso selectivo extraordinario de consolidación para o ingreso na categoría 020 do grupo II, terapeuta ocupacional, de persoal laboral fixo da Xunta de Galicia
Orde |
Acceso |
DNI |
Apelidos e nome |
1º exercicio |
2º exercicio |
Concurso |
Total |
1 |
Libre |
***1853** |
García Crespo, María Vanessa |
49,38 |
Exenta |
38,00 |
87,38 |
2 |
Libre |
***2756** |
Calvo Torres, Inés |
48,31 |
Exenta |
38,00 |
86,31 |