Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométense a información pública a petición de autorización administrativa previa e de construción, e a declaración de utilidade pública, en concreto, da seguinte instalación eléctrica.
Denominación: proxecto para regulamentación LMTA BCR807 apoios 268-A-10, 268-A-11, 268-A-12 e 268-A-14 (Cervantes).
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Características técnicas principais:
• Substitución dos apoios de formigón existentes nº 268-A-10, 268-A-11, 268-A-12 e 268-A-14 da liña de media tensión aérea LMTA BCR807 por novos apoios de celosía metálicos de tipo C-18/2000 e C-16/2000.
• Substitución do condutor existente dos vans entre os apoios nº 268-A-10 e 268-A-11, e entre os apoios nº 268-A-12 e 268-A-14, cunha lonxitude de 306 metros, por condutor de tipo LA-56, retensando os condutores dos vans contiguos aos apoios substituídos.
A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados, e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).
A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con esta resolución.
Aquelas persoas ou entidades que se consideren afectadas poderán presentar as súas alegacións nesta xefatura territorial (Edificio Administrativo da Xunta de Galicia en Lugo, na rolda da Muralla, 70) referidas ás posibles limitacións á constitución da servidume de paso de liñas eléctricas (artigo 161 do Real decreto 1955/2000) e aqueloutras que consideren oportunas, no prazo de trinta días hábiles contados desde o día seguinte ao da última publicación ou ao da notificación individual.
Durante este prazo poderase examinar o proxecto das instalacións nesta xefatura territorial, de luns a venres, entre as nove da mañá e as dúas da tarde, e na seguinte ligazón web da Consellería:
https://economia.xunta.gal/transparencia/instalacions-electricas/lmat-cervantes
Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se encontren ao relacionar os bens e dereitos afectados, segundo dispón o artigo 56.2 do Regulamento da Lei de expropiación forzosa (BOE núm. 160, do 27 de xuño).
Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación ou ben, intentada esta, non se puidese realizar, e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.
Lugo, 19 de setembro de 2022
Gustavo José Casasola de Cabo
Xefe territorial de Lugo
ANEXO
Proxecto: proxecto para regulamentación LMTA BCR807 apoios 268-A-10, 268-A-11, 268-A-12 e 268-A-14 (Cervantes).
Concello: Cervantes.
Expediente: 2022/70-ATE.
Nº de predio |
Propietario |
Parcela |
Afección |
||||||
Nome e apelidos |
Datos catastrais |
Lugar |
Cultivo |
Apoio |
Voo |
||||
Políg. |
Parc. |
Nº |
Superficie (m²) |
Lonxitude (m) |
Superficie (m²) |
||||
1 |
MVMC de O Pando, Albares e Serrado |
61 |
5 |
Sobrecor |
Monte baixo |
268-A-10 268-A-11 268-A-12 268-A-14 |
8,0 |