En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicación, sométese a información pública a solicitude relacionada coa instalación que se describe a continuación:
Solicitante: Naturgy Renovables, S.L.U.
Denominación do proxecto: Parque eólico Borreiro.
Concellos afectados: A Estrada, Forcarei e Cerdedo-Cotobade (Pontevedra).
Potencia para instalar: 20 MW.
Número de aeroxeradores a instalar: 5.
Produción de enerxía media neta ou vertida á rede: 71.780 MWh/ano.
Orzamento total (execución material): 20.991.893,64 €.
Localización: (coordenadas UTM).
Coordenadas da poligonal de delimitación:
Vértice |
UTM-X (ETRS89) |
UTM-Y(ETRS89) |
a |
548.100,00 |
4.719.900,00 |
b |
550.650,00 |
4.720.200,00 |
c |
552.100,00 |
4.719.800,00 |
d |
552.100,00 |
4.717.400,00 |
e |
548.100,00 |
4.717.400,00 |
Coordenadas dos aeroxeradores, da torre meteorolóxica e do centro de seccionamento e control (CSC):
Aeroxerador |
UTM-X (ETRS89) |
UTM-Y (ETRS89) |
Concello |
BO01 |
550.533,00 |
4.719.731,00 |
Forcarei |
BO02 |
551.122,00 |
4.719.236,00 |
Forcarei |
BO03 |
550.888,00 |
4.718.599,00 |
Forcarei |
BO04 |
548.456,00 |
4.719.416,00 |
A Estrada |
BO05 |
548.618,00 |
4.718.965,00 |
A Estrada |
Torre meteorolóxica |
|||
Torre 1 |
X (ETRS89) |
Y (ETRS89) |
Concello |
550.671,00 |
4.719.360,00 |
Forcarei |
Centro de seccionamento e control |
|||
CSC |
X (ETRS89) |
Y (ETRS89) |
Concello |
549.775,00 |
4.718.400,00 |
A Estrada |
Características técnicas recollidas no proxecto:
– 5 aeroxeradores tripá modelo Siemens Gamesa SG155-6.0 de 155 m de diámetro, ou similar, 6 MW de potencia unitaria limitados a 4 MW e 122,5 m de altura de buxa. Cada un deles estará equipado cun transformador elevador de 30/0,69 kV e potencia aparente de 4.500 kVA situado no seu interior.
– Unha torre meteorolóxica de 122,5 m de altura, con 3 anemómetros, dous cataventos, un anemómetro de fluxo vertical, dous sensores de temperatura e un pluviómetro.
– A rede de media tensión do parque recollerá a enerxía xerada polos aeroxeradores e transportarase ata o centro de seccionamento e control e desde este ata a subestación Quireza (non obxecto deste expediente); estará formada polos seguintes elementos:
• 5 centros de transformación de tensión aparente de 4.500 kVA, grupo de conexión Dyn11 e tensión 30/0,69 kV instalados no interior dos aeroxeradores.
• 2 liñas soterradas de 30 kV para conectar os aeroxeradores entre si e co CSC:
◦ Circuíto nº 1 conecta BO-01,BO-02 e BO-03 co CSC, lonxitude 4.501 m.
◦ Circuíto nº 2 conecta BO-04 e BO-05 co CSC, lonxitude 2.898 m.
• 1 liña de 30 KV para conectar o CSC coa subestación Quireza, e que conta pola súa vez con dous tramos aéreo e tres soterrados:
◦ Tramos aéreos (de lonxitude total 7.978 m).
▪ Desde apoio 1 ao apoio 2.
▪ Desde apoio 3 ao apoio 35.
◦ Tramos soterrados (de lonxitude total 1.021 m).
▪ Desde CSC ao apoio de paso aéreo-soterrado nº 1.
▪ Desde apoio aéreo-soterrado nº 2 ao nº 3.
▪ Desde apoio aéreo-soterrado nº 35 á entrada da subestación elevadora.
Os condutores de media tensión serán de tipo RHZ1-2OL 18/30 kV Al +H 16 e sección variable de 240, 400 e 630 mm2.
A rede de cables do parque eólico estará composta polo tendido de media tensión, rede de terras (condutor de cobre espido de sección 50 mm2 no fondo das gabias), comunicacións e fibra óptica que conecta os aeroxeradores co sistema automático de control do parque; realizarase mediante condución en gabias cunha lonxitude total proxectada de 6.927,00 m máis 172 m adicionais para o tendido de baixa tensión para a interconexión entre a torre meteorolóxica e o aeroxerador BO01.
– O centro de seccionamento e control do parque estará constituído por un edificio prefabricado onde se recollerá a enerxía procedente do dito parque, que se enviará á subestación colectora de Quireza (non obxecto deste expediente) para a súa evacuación á rede eléctrica nacional. Constará dos seguintes elementos:
• Unha cela de liña de interconexión coa subestación de Quireza de 30 kV.
• Dúas celas de liña de 30 kV para a conexión dos aeroxeradores.
• Unha cela de medida con transformadores de tensión.
• Unha cela de transformador de servizos auxiliares de 30 kV.
• Un transformador de servizos auxiliares 30/0,42-0,242 kV de 50 kVA.
O sistema de control utilizará unha rede de fibra óptica que enlaza os aeroxeradores co servidor Scada. O Sistema automático de control de parque comprende:
• Sistema de control de aeroxeradores.
• Supervisión da torre meteorolóxica do parque.
• Sistema de control do CS.
• Sistema de comunicacións.
• Sistema de regulación de potencia.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.
De acordo co disposto no artigo 33 da Lei 8/2009, do 22 de decembro, e demais normas de aplicación relacionadas ao inicio desta resolución, constitúen o obxecto da información pública os seguintes documentos: proxecto de execución, estudo de impacto ambiental e o proxecto sectorial de incidencia supramunicipal (proxecto de interese autonómico).
O que se fai público de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, para coñecemento xeral, e para que todas aquelas persoas, naturais ou xurídicas que se consideren prexudicadas nos seus dereitos poidan presentar as súas alegacións no prazo de trinta (30) días, a partir do día seguinte ao da última publicación desta resolución.
A consulta da documentación realizarase preferentemente a través do seguinte enlace da web da Vicepresidencia Primeira e Consellería de Economía, Industria e Innovación: https://ceei.xunta.gal/transparencia/documentos-sometidos-a-informacion-publica, na epígrafe de instalacións de xeración. A atención será telefónica no número 986 80 52 51.
Cando sexa indispensable a atención presencial, poderase acudir á Xefatura Territorial da Vicepresidencia Primeira e Consellería de Economía, Industria e Innovación (avda. Mª Victoria Moreno, 43, 5º, 36071 Pontevedra), mediante cita previa no número de teléfono indicado, así como nas dependencias dos concellos da Estrada (praza do Concello, s/n, 36680 A Estrada), Forcarei (praza da Igrexa nº1, 36550 Forcarei) e Cerdedo-Cotobade (sede municipal de Carballedo: Chan, 11, 36856 Carballedo, ou sede municipal de Cerdedo: praza do Concello, nº 1, 36130 (Cerdedo).
Pontevedra, 13 de setembro de 2022
Tomás Nogueiras Nieto
Xefe territorial de Pontevedra