Na sesión extraordinaria da Xunta de Goberno Local do 30 de setembro de 2022 apróbase provisionalmente o Plan especial de infraestruturas e dotacións para a construción dun equipamento educativo en Portosín (Porto do Son) e acórdase ampliar o ámbito en que se suspende o outorgamento das licenzas na nova parcela afectada pola aprobación provisional do Plan especial segundo o resumo executivo que consta no expediente. A duración da suspensión permanece inalterable desde que se acordou con motivo da aprobación inicial do plan e estenderase ata a aprobación definitiva do plan e, en todo caso, por un prazo máximo de 2 anos. Esta ampliación da suspensión publicarase no DOG, nun dos diarios de maior difusión de Galicia e na sede electrónica do Concello de Porto do Son (https://portodoson.sedelectronica.gal), nos mesmos termos que a publicada con motivo a da aprobación inicial.
Porto do Son, 14 de outubro de 2022
José Luis Oujo Pouso
Alcalde