Negociado e subscrito o convenio polo alcalde do Concello de Cuntis, o 11.10.2022, polo presidente da SEA, o 15.10.2022 e polo delegado especial do Estado na CZFV, o 17.10.2022, cuxa finalidade é:

O establecemento das bases sobre as que asentar a colaboración das tres institucións asinantes para a execución do polígono 1 previsto no Plan de sectorización da Ran, instrumento urbanístico aprobado definitivamente polo Pleno do Concello o 27 de setembro de 2013.

Subscribirase:

Co Consorcio da Zona Franca de Vigo, en diante CZFV, e coa sociedade mercantil estatal Suelo Empresarial del Atlántico, S.L., SME, en diante SEA.

De conformidade co artigo 168.1 da Lei 2/2016, do 10 de febreiro, do solo de Galicia, sométese a información pública polo prazo dun mes contado desde o día seguinte ao da publicación do presente anuncio no Diario Oficial de Galicia.

Asemade, o texto íntegro do convenio estará á disposición dos interesados na sede electrónica deste Concello http://concellodecuntis.sedelectronica.gal

O presente anuncio servirá de notificación aos interesados.

Cuntis, 17 de outubro de 2022

Manuel Campos Velay
Alcalde